नुवाकोट – टिमुरे बस मिनिबस यातायातले त्रिशुली बसपार्कमा विद्युतीय सवारीसाधनका लागि चार्जिङ स्टेसन सञ्चालनमा ल्याएको छ ।

टिमुरेले करीब ३० लाख रुपैयाँको लागतमा चार्जिङ स्टेशन निर्माण गरेको अध्यक्ष प्रकाश जोशीले जानकारी दिए ।

विदुर नगरपालिका-१ को त्रिशुली बसर्पाकमा कम्पनीले आफ्नै लगानीमा विद्युतिय चार्जिङ्ग स्टेसनको निर्माण गरेको उनले बताए । काठमाण्डौ–त्रिशुली चल्ने विद्युतिय सवारीसाधनको लागि कम्पनीले चार्जिङ्ग स्टेशनको निर्माण गरिएको उनले बताए ।

चार्जिङ स्टेशनमा सबै किसिमका उपभोत्ताले सवारीसाधन चार्ज गर्न पाउने छ । चार्ज गरेबापत् प्रति युनिट सात रुपैयाँ महशुल तिर्नपर्ने छ ।

कम्पनीले पहिलो चरणमा काठमाण्डौ–त्रिशुली रुटमा तीन ई-माइक्रो सञ्चालन गरिरहेको छ । थप सात ई-माइक्रो आउने तयारी भइरहेको उनले जानकारी दिए ।