नुवाकोट – पत्रकार शिवप्रसाद देवकोटा संगम साकोसको संगम पत्रकारिता पुरस्कारबाट पुरस्कृत भएका छन् ।
आज शनिबार कोलनीमा भएको संगम साकोसको २७ औं वार्षिक साधारणसभामा पत्रकार देवकोटा पुरस्कृत एवं सम्मानित भएका हुन् ।
बागमती प्रदेशका अर्थ मामिला तथा योजना मन्त्री बहादुरसिंह लामाले देवकोटालाई नगद पुरस्कार, दोसल्ला र सम्मानपत्रले पुरस्कृत एवं सम्मान गरेका हुन् ।
२६ वर्षदेखि निरन्तर समाचार संकलन र सम्प्रेषणको साथै नुवाकोट जिल्लाको पत्रकारितामा उल्लेखनीय योगदान गरेकोमा सम्मान एवं पुरस्कृत गरिएको सहकारीका अध्यक्ष नारायण श्रेष्ठले बताए ।
पत्रकार देवकोटा नेपाल पत्रकार महासंघ बागमती प्रदेश समितिका अध्यक्ष, नुवाकोट जागरण साप्ताहिक र उत्तरगया दैनिकका प्रकाशक तथा सम्पादक हुन् ।
–
प्रतिक्रिया