राष्ट्रिय युवा कवितामा नुवाकोटकी एलिशा तृतीय

डबली खबर     आश्विन २८ २०८० २१:२०

poet alisha poudel
social securities awareness bidur municipality
bagamati province sanchar registrar office

हेटौंडा – राष्ट्रिय कविता प्रतियोगितामा नुवाकोटकी एलिशा पौडेल “एकलास” तृतीय भएकी छिन् ।

बागमती प्रदेश युवा परिषद्को आयोजना तथा साहित्य संगम मकवानपुरको समन्वयमा शनिबार हेटौँडामा भएको युवा कविता उत्सवमा कवि एलिशा एकलासको कविता “निर्धाे बक्र रेखाहरु” तृतीय भएकी हुन् । उनको कविताले ८० दशमलव १६ अंक प्राप्त गरेको छ।

प्रतियोगितामा सुनसरीका सुरज पराजुली प्रथम भएको छ । उनको “पर्खाइ” कविताले ८२ दशमलव ५ अंक प्राप्त गरी प्रथम भएको छ । यस्तै, प्रतियोगितामा चितवनका अन्जान प्रदीप द्वितीय भएको छ । उनको “कुण्डली” कविताले ८२ दशमलव ३३ अंक प्राप्त गरेको थियो ।

तनहुँका कवि भिमप्रसाद सापकोटा सान्त्वना प्राप्त गरेका छन् । कवि सापकोटाको मेरो यात्रा कविताले ७९ दशमलव १६ अंक प्राप्त गरेको थियो ।

प्रतियोगिताका विजयी प्रथम, द्वितीय, तृतीय र सान्त्वना हुने कविहरुले क्रमशः ४० हजार, ३० हजार, २० हजार र १० हजारसहित सम्मानपत्र प्राप्त गरेका छन् ।

प्रतियोगितामा २० जना कविता छनोट भएकोमा १८ जना कविले कविता वाचन गरेका थिए ।

बागमती युवा परिषद्का कार्यकारी उपाध्यक्ष सन्तोष चौंलागाईको अध्यक्षता तथा बागमती प्रदेश सरकारका सामाजिक विकास मन्त्री कुमारी मोक्तानको प्रमुख आतिथ्यमा कविता उत्सवको उद्घाटन कार्यक्रम भएको थियो ।

प्रतिक्रिया


nuwakot trishuli graphic web media service 2020

Top