नुवाकोट – त्रिशूली बचत तथा ऋण सहकारी संस्थाले शनिबार आफ्नो २३औं वार्षिक साधरणसभा सम्पन्न भएको छ ।
विदुर नगरपालिका-१ ढुंगेमा भएको कार्यक्रममा सहकारीका अध्यक्ष हरिलाल श्रेष्ठको अध्यक्षतामा सम्पन्न समारोहमा सहकारीका जेष्ठ शेयरसदस्य कुलबहादुर बोगटीको प्रमुख आतिथ्यता रहेका थियो ।
आ.व. २०८०/०८१ को भाद्र महिनासम्ममा संस्थामा १ हजार ६७२ सेयर सदस्य रहेका छन् भने ४० करोड ३५ लाखको कुल सम्पत्ति रहेको प्रतिवेदनमा उल्लेख छ । संस्थाले सो अवधिमा ४ करोड ११ लाख ४६ हजार शेयरपुँजी संकलन गरेको छ ।
त्यसैगरी, बचत संकलन २९ करोड ८ लाख ६३ हजार गरेको संस्थाले २९ करोड ४७ लाख ४३ हजार कर्जा सदस्यहरुमा लगानी गरेको छ । संस्थाले १ करोड ६२ लाख १५ हजार संस्थागत शेयर लगानी गरेकाे छ।
कार्यक्रममा संस्थाका अध्यक्ष श्रेष्ठ र लेखा संयोजक उपेन्द्र अमात्यले वार्षिक प्रगति विवरण र भावी कार्यक्रम प्रस्तुत गरेका थिए ।
सभामा विभिन्न विधामा उत्कृष्ट सदस्य र विद्यार्थीहरूको साथै शेयर सदस्य जेष्ठ नागरिकलाई सम्मान एवं पुरस्कृत गरिएकाे थियाे ।
सहकारीले गत आवमा अवलोकन भ्रमणमा रुपैंयाँ १८ लाख ८ हजार, सञ्चालक समिति बैठकमा ३ लाख ९३ हजार र तालिममा३ लाख ४० हजार खर्च गरेको छ ।
प्रतिक्रिया