नुवाकोट – युवा नवप्रवर्द्धन विषयक जिल्लास्तरीय वक्तृत्वकला प्रतियोगितामा बेलकाेटगढिकी विविना लामिछाने विजयी भएकी छिन् । बागमति प्रदेश सरकार सामाजिक विकास मन्त्रालय प्रदेश युवा परिषद जिल्ला युवा समितिले आयोजना गरेको वक्तृत्वकला प्रतियोगितामा लामिछाने प्रथम भएर नगद पन्ध्र हजार रूपैयाँ पुरस्कार प्राप्त गरेकी छिन् ।
प्रतियोगितामा द्वितीय भएर सुभेनियर बोर्डिङ्ग स्कुलकी सिम्रिका रिजालले नगद दशहजार रूपैयाँ र तृतीय भएर मंगलादेवि मावि सुर्यगढिकी सुनिता तामाङले नगद दुई हजार रूपैयाँ प्राप्त गरेकी छिन् । प्रतियाेगितामा विदुरका निशान नेपाली तथा सुभेनियरकी पूर्णिमा पाण्डेले सान्त्वना पुरस्कार नगद रु १/१ हजार रूपैयाँ प्राप्त गरेका जिल्ला युवा समिति नुवाकोटका अध्यक्ष उद्धव पनेरुले जानकारी दिए ।
विजयीलाई नुवाकोट आदर्श बहुमुखी क्याम्पसका अध्यक्ष श्रीराम श्रेष्ठले नगद पुरस्कारसहित प्रमाणपत्र प्रदान गरेका थिए ।
प्रतियोगितामा २४ वर्षसम्म उमेर भएका १५ जना विद्यार्थीहरुले सहभागिता जनाएका थिए ।
प्रतियोगिताको निर्णायकमा प्राध्यापक शिवसुन्दर पुडासैनी, पत्रकार नवदिप श्रेष्ठ र साहित्यकार राजकुमार अर्जेल पुत्ला रहेका थिए ।
प्रतिक्रिया