नुवाकोट – रुस र युक्रेनबीच भइरहेको युद्धलाई रोक्न माग गर्दै मानव अधिकार तथा शान्ति समाज नुवाकोटले प्रदर्शन गरेको छ ।
शुक्रबार मानव अधिकार तथा शान्ति समाज नुवाकोटले रुसलाई तत्काल युद्ध रोक्न र शान्ति प्रवर्द्धन गर्न माग गर्दै सदरमुकाम विदुरमा प्रदर्शन गरेको हो ।
देशभर मानव अधिकार तथा शान्ति समाजको कार्यक्रमअनुसार विरोध प्रदर्शन गरिएको संघका सभापति नारायण श्रेष्ठले बताए ।
प्रदर्शनमा सहभागी मानव अधिकारकर्मीहरुले युक्रेनमाथि अतिक्रमण बन्द गर्, तत्काल सैनिक फिर्ता गर्, शान्ति प्रबर्द्धनमा जोड दिऔँ, युद्ध रोकौँ लगायतका प्लेकार्ड लिएर १५ मिनेट प्रदर्शन गरेका थिए ।
पछिल्लो समयमा युक्रेनमा रुसले आक्रमण गर्नसक्ने भन्दै त्यसको विश्वव्यापी बिरोध भइरहेको छ ।
प्रतिक्रिया