नुवाकोट – नुवाकोट युनाईटेड फुटबल क्लब जारी सहिद स्मारक सी डिभिजन लिग छनौट खेल समुह पी-जेड अन्तर्गतको फाइनलमा प्रवेश गरेको छ ।
शनिबार भएको सेमीफाईनल खेलमा नुवाकोट युनाईटेड फुटबल क्लबले सत्य संसार रिले फुटबल क्लब भक्तपुरलाई ट्राइब्रेकरमा ४-३ गोल अन्तरले हराउँदै विजयी भएको हो ।
निर्धारित समयमा दुवै टिमबाट १/१ गोल मात्र भएको थियो । बराबरीमा खेलपछि ट्राइबेकरमा नुवाकोट युनाईटेडले सत्य संसारमाथि जित हासिल गरेको छ ।
खेलमा सत्य संसारका जर्सी नम्बर २० का खेलाडीले रातो कार्ड प्राप्त गरेका थिए ।
आज खेलाईएको सेमिफाइनल खेलको म्यान अफ म्याच नुवाकोट युनाईटेडका गोलरक्षक जर्सी नम्बर १ का बिक्कीबहादुर तामाङ भए ।
प्रतिक्रिया