नुवाकोट – नेपाल रेडक्रस सोसाइटी, तिलगङ्गा आँखा प्रतिष्ठान र नेपाल आँखा कार्यक्रम-तिलगङ्गा आँखा प्रतिष्ठान सर्जिकल आँखा केन्द्र नुवाकोटको संयुक्त आयोजनामा विदुरमा मोतियाबिन्दुको शल्यक्रिया गरिएको छ ।

फागुन २२ र २३ गतेसम्म भएको दुईदिने मोतियाबिन्दु छनौट शिविरबाट ८४ जनाको सफल शल्यक्रिया गरिएको रेडक्रस सभापति हरि श्रेष्ठले जानकारी दिए ।

तिलगंगा आँखा प्रतिष्ठानका वरिष्ठ नेत्ररोग विशेषज्ञहरुको टोलीले गरेको तीनदिने मोतियाबिन्दु शल्यक्रिया शिविरको उद्घाटन प्रमुख जिल्ला अधिकारी रामकृष्ण अधिकारीले गरेका थिए ।

शिविरमा द फ्रेड हलोस फाउन्डेसन गैरसरकारीको सहयोग रहेको थियो ।