२० पुस, नुवाकोट । बुधसिंघाट कृषि सहकारी संस्था लिमिटेडको १४ औं वार्षिक साधारणसभा सम्पन्न भएको छ।
गत आर्थिक वर्ष २०८१/८२ को प्रतिवेदअनुसार सहकारीको शेयर पूँजी ४८ लाख ४० हजार ९३८ रुपैँया रहेको छ ।
सहकारीले ८ लाख ५५ हजार ६१६ रुपैयाँ वृद्धि गर्न सफल भएको सहकारीका कोषाध्यक्ष दीपक ठकुरीले जानकारी दिए ।
साधारणसभामा उत्कृष्ट बचतमा राममाया राई, ऋण कारोबारमा सुकुमाया राई र युवा उद्यमी सुरेन्द्रबहादुर राईलाई सम्मान गरिएको छ ।
समुदायमा शिक्षा क्षेत्रमा महत्त्वपूर्ण भुमिका निर्वाह गर्ने अर्जुनप्रसाद अधिकारी र सहकारीले गरेको वृक्षारोपणको हेरचाह स्याहार सुसार गर्ने गोपीनाथ वस्तीलाई सम्मान गरिएको छ।
सम्मानितहरुलाई विदुर नगरपालिका वडा नं ३ का कार्यबाहक अध्यक्ष ईन्द्रप्रसाद अधिकारी र सहकारीका सुर्यबहादुर राईले संयुक्त रुपमा सम्मान गरेका थिए।
सहकारीमा महिला ४५ र पुरुष ६८ गरि कुल १ सय १३ जना बचत तथा शेयर सदस्यहरु रहेका छन् ।
प्रतिक्रिया