११ कार्तिक, काठमाडौं । आइसिटी अवार्ड २०२५ को हिमालय टिभी एचडीमा प्रत्यक्ष प्रसारण हुने सम्झौता भएको छ ।
उक्त सम्झौता पत्रमा हिमालयको तर्फबाट कार्यकारी निर्देशक श्याम कँडेल र आइसिटी अवार्डतर्फबाट राजन लम्सालले हस्ताक्षर गरेका हुन् ।
हिमालयका कार्यकारी निर्देशक कँडेलले आइसिटी अवार्डसँग सहकार्य गर्न पाउँदा खुसी लागेको बताउँदै यसले स्टार्टअप र उद्यमीहरूलाई प्रवर्द्धन गर्न र समग्र इकोसिस्टमको विकासमा महत्वपूर्ण सहयोग पुर्याउने बताए । शार्क ट्यांकसँगै आइसिटी अवार्डको साझेदारीले आईसीटी क्षेत्रको पहुँच र अवसरहरूलाई अझ व्यापक बनाउने उनको विश्वास छ ।
सम्झौता अनुसार हिमालयले आइसिटी अवार्ड २०२५ का प्रिइभेन्टसहितको विशेष एपिसोड प्रसारण गर्नेछ । मंसिरको पहिलो हप्ताबाट कार्यक्रम प्रसारण गर्न सुरू गरिने छ । कार्यक्रममा पाँच एपिसोड प्रसारण हुनेछ ।
विशेष एपिसोडमा उत्कृष्ट स्टार्टअप, प्रडक्ट र इन्नोभेसन विधाका प्रतिस्प्रर्धीहरूको आईडिया, प्रस्तुति तथा पिचिङलाइ टेलिभिजनमा प्रशारण गरिने बताइएको छ ।
साथै पुसमा आयोजना हुने आइसिटी अवार्ड २०२५ को ग्राण्ड फिनाले पनि हिमालय टिभीबाट प्रत्यक्ष प्रसारण हुनेछ ।
आइसिटी अवार्ड सूचना तथा सञ्चार प्रविधि क्षेत्रको एक प्रतिष्ठित अवार्ड कार्यक्रम हो । आइसिटी अवार्डले नेपालको डिजिटल क्षेत्रमा काम गरिरहेकालाई प्रोत्साहन तथा महत्त्वपूर्ण योगदान दिएकालाई सम्मान गर्दै आएको छ ।
कार्यक्रमको ग्राण्ड फिनालेमा नेपालभित्र विभिन्न १४ विधा र दक्षिण एसियाका देशहरूलाई समेटेर साउथ एशिया स्टार्टअप आइसिटी अवार्ड वितरण हुनेछ । साथै सातै प्रदेशका एक एक उत्कृष्ट स्टार्टअपहरूलाई समेत सम्मान गरिने छ । उत्कृष्टहरू छनौट गर्नका लागि १४ बढीको विज्ञ जुरी समिति र १५ जना बढीको विशिष्ट सल्लाहकार समित रहेको छ ।
प्रतिक्रिया