३० असोज, नुवाकोट । सारथी बचत तथा ऋण सहकारी संस्था लिमिटेडले विदुर नगरपालिका-८ हात्तिगौंडास्थित भैरुम माध्यमिक विद्यालयमा अध्ययनरत विद्यार्थीहरूलाई विद्यालय पोशाक वितरण गरेको छ।

सहकारी संस्थाका अध्यक्ष गोकर्ण रोक्काले एक कार्यक्रमका बीच विद्यालय व्यवस्थापन समितिका अध्यक्ष सबिन श्रेष्ठ, प्रधानाध्यापक शिवराम श्रेष्ठ, १०+२ का कार्यक्रम संयोजक नारायण श्रेष्ठलगायतको उपस्थितिमा विद्यार्थीहरुलाई उक्त ट्याक सुट हस्तान्तरण गरेका हुन् ।

सहकारीको सातौँ सिद्धान्त ‘समुदायप्रति चासो’ लाई आत्मसात् गर्दै उक्त विद्यालयमा अध्ययनरत कक्षा ११ र १२ का विद्यार्थीहरूलाई ट्याक सुट वितरण गरिएको सहकारीका अध्यक्ष गोकर्ण रोक्काले बताए ।

यस सहयोगले विद्यार्थीहरूलाई शैक्षिक तथा खेलकुद गतिविधिमा थप प्रोत्साहन मिल्ने विश्वास सहकारीले गरेको छ।

सहकारी संस्थाले समुदायको दिगो विकासमा टेवा पुर्‍याउने उद्देश्यका साथ यो सामाजिक कार्य गरेको जनाएको छ।