२९ पुस, नुवाकोट । नेपालकै दोस्रो तीनमुखे झोलुङ्गे पुलको पूर्वअर्थमन्त्री डा. प्रकाशशरण महतले शनिबार शिलान्यास गरेका छन् ।
तादी र पञ्चकन्या गाउँपालिकाको संगमस्थल सूर्यमती र हेमवती नदीको सङ्गम तादी-दोर्खु दोभानमा निर्माण सुरु भएको नुवाकोटकै पहिलो तीनमुखे झोलुङ्गे पुलको लागत भ्याटबाहेक छ करोड ५८ लाख ५७ हजार रुपैयाँ रहेको छ ।
१५८ मिटर लम्बाइ रहेको उक्त पुलको आगामी आर्थिक वर्ष २०८२ /८३ को असारमहिनाभित्र निर्माण सम्पन्न हुने जनाएको छ ।
पुल निर्माणपछि पर्यटन प्रवर्द्धन गर्न सहयोग पुर्याउने विश्वास लिइएको छ। साथै, यसले सर्वसाधारण नागरिक र किसानलाई दैनिक जीवनयापनमा सहजता प्रदान गर्नेछ।
यो पुलले नुवाकोटका तादी, पञ्चकन्या र दुप्चेश्वरका स्थानीय बासिन्दाको जीवनस्तरमा सकारात्मक प्रभाव पार्ने बताइएको छ।
प्रतिक्रिया