नुवाकोट – पञ्चकन्या गाउँपालिकको आयोजनामा प्रथम बाल साहित्य महोत्सव सम्पन्न भएको छ ।
महोत्सवमा आयोजित विभिन्न विधागत प्रतियोगिततर्फ नवसञ्जिवनीका बालक्लब उत्कृष्ट बाल क्लब र सप्तकन्या आधारभूत विद्यालय उत्कृष्ट पाठक र पठन प्रवाह भएका थिए ।
यस्तै वक्त्तिवकलामा राष्ट्रिय माविले प्रथम श्रेणी हासिल गरेका थिए । शैक्षिक सामाग्री प्रदर्शनी विधामा प्रथम बच्छला मावि, द्वितीय इन्द्रायणी मावि, तृतिय कालिका मावि र सान्त्वना पुरस्कार पञ्चकन्या माविले पाएको थियो ।
त्यसैगरी पढाइ दौड र विद्यार्थीहरु बीचमा कथा वाचन तथा कथा लेखन गरिएको थियो ।
गाँउपालिकाको मौलिक किवदन्ती, लोक कथा आदिमा आधारित विद्यार्थीहरुको कथा लेखन प्रतिस्पर्धाबाट छानिएर आएका कथाहरु मध्येबाट ३ वटा उत्कृष्ट कथा पुस्तकका रुपमा पञ्चकन्याका कथाहरु विमोचन गरिएको थियो ।
उक्त महोत्सवमा बाल विवाहविरुद्ध सडक नाटक प्रदर्शन गरेका थिए । नाटकले समाजमा जगडिएर रहेको बाल विवाह र यसले पारेको आर्थिक, समाजिक पारिवारिक असरलाई चित्रण गरिएको थियो साथै सानै उमेरमा विवाह गर्दा एउटा नारिले भोग्नु पर्ने पिडाहरु र स्वास्थ्यमा परेका समस्याहरुलाई मध्य नजर गरि प्रदर्शन गरिएको थियो ।
रुम टु रिड, गुड नेबर्स इन्टरनेशनल र रुडेक नेपालको प्राविधिक सहयोगमा भएको उक्त महोत्सवमा विभिन्न विधामा २७ वटा विद्यालयहरुले प्रतियोगितामा भाग लिएको थियो ।
महोत्सवमा शिक्षक, विद्यार्थी, अभिभावक, कर्मचारीको साथै विभिन्न संघ संस्थाका प्रतिनिधिहरु गरी करिब आठसय जनाले सहभागिता रहेको जनाएको थियो ।
प्रतिक्रिया