शनिबार “लप्से झरना” महोत्सव हुदैं

डबली खबर     कार्तिक २२ २०८० १७:२१

lapse jharana shivapuri-6 nuwakot
social securities awareness bidur municipality
bagamati province sanchar registrar office

नुवाकोट – शिवपुरी गाउँपालिका-६ स्थित लप्से झरनालाई लक्ष्य गरी यही कात्तिक २५ गते महोत्सव गरिने भएको छ ।

‘आन्तरिक र बाह्य पर्यटनमा सहभागी बनौँ’ भन्ने नाराका साथ काग तिहारका दिन शिवपुरी वडा समितिको कार्यालय–६ को आयोजना र शिवपुरी समुन्द्रा युवा क्लबको व्यवस्थापन सहयोगमा ‘लप्से झरना महोत्सव’ गर्न लागिएको हो ।

महोत्सवमा जाने पदमार्ग, स्थानीय १०–१२ घरमा होमस्टे ‘घरबास’ समेतको व्यवस्था तथा सम्पूर्ण तयारी पुरा भएको भएको आयोजक वडा अध्यक्ष बिष्णु श्रेष्ठले जानकारी दिएका छन् । स्थलगत अध्ययनपछि महोत्सवको आयोजना गरी महोत्सवमा आउने अवलोकनकर्ता लोकल गुन्द्रुक,मकै र भटमासको साथमा सिस्नो समेत चखाउने तयारी गरिएको अध्यक्ष श्रेष्ठले बताए ।

शिवपुरी गाउँपालिका वडा नं. ६ को आयोजना तथा समुन्द्रादेवी युवा क्लबको व्यवस्थापनमा हुने महोत्सवमा स्थानीयस्तरका लोकल कुखुराको मासु र ढिडो समेत नवआगन्तुकलाई खुवाउने प्रबन्ध गरिएको वडा नम्बर ६ का सदस्य कमल तामाङ (नुवाकोटे टाइगर) ले बताए ।

बाह्रै महिना सदाबहार सय फिट उचाईबाट झर्ने यस झरना राजधानी काठमाडौंबाट नजिकै रहेको सो झरनास्थल टोखा हुँदै पुग्न करिब एक घण्टा लाग्छ । करिब १५ मिनेट भने पैदल हिँड्नुपर्ने हुन्छ ।

प्रतिक्रिया


nuwakot trishuli graphic web media service 2020

Top