विदुर – श्रीकृष्ण बचत तथा ऋण सहकारी संस्था लिमिटेडको शेयर पुँजी दुई करोड ६० लाख पुगेको छ ।
शनिबार भएको सहकारीको २६ औं वार्षिक साधारणसभामामा अध्यक्ष बच्चुमाया सुनारीले प्रस्तुत गरेको प्रतिवेदन अनुसार सहकारीको शेयर पुँजी दुई करोड ५९ लाख ९६ हजार पुगेको छ ।
यस्तै, सहकारीले आर्थिक वर्ष २०७९/०८० मा ११ करोड ३८ लाख रुपैयाँ बचत संकलन र नौ करोड ८७ लाख रुपैयाँ कर्जा लगानी गरेको कोषाध्यक्ष खड्काको प्रतिवेदनमा उल्लेख छ ।
संस्थाले एक करोड ४८ लाख रुपैयाँ आम्दानी र १८ लाख ३२ हजार रुपैयाँ खुद नाफा आर्जन गर्न सफल भएको छ ।
कार्यक्रम विदुर नगरपालिका वडा नं ४ का वडाध्यक्ष निलमबाबु ढुंगेलको प्रमुख आतिथ्यमा भएको थियो ।
साधारणसभाले अध्यक्ष सुनारी, कोषाध्यक्ष गजेन्द्र खड्का र लेखा समिति संयोजक राजेन्द्र तिवारीले प्रस्तुत गरेको वार्षिक प्रगति प्रतिवेदन, निती तथा कार्यक्रम, प्रस्तावित बजेट र लेखा समिति प्रतिवेदन पारित गरेको छ ।
सहकारीमा एक हजार चार सय ७२ जना सेयर सदस्यहरु रहेको जनाएको छ ।
प्रतिक्रिया