बालदिवसको अवसरमा हाजिरी जवाफ प्रतियोगिता हुने

नुवाकोट – त्रिशूलीमा बालदिवसको अवसरमा हाजिरी जवाफ प्रतियोगिता हुने भएको छ।

विदुर नगरपालिका वडा नम्बर-१ मा रहेको त्रिभुवन त्रिशूली माध्यमिक विद्यालयले माध्यामिक तहसम्मको हाजिरी जवाफ प्रतियोगिता गर्ने भएको हो।

“बालबालिकामा लगानी: सुनिश्चित भविष्यको थालनी” मूल नाराका साथ भदौ २९ गते बाल दिवसका अवसरमा खुल्ला हाजिरी जवाफ प्रतियोगिता आयोजना हुने विद्यालय प्रधानाध्यापक महेन्द्र राउतले बताए। प्रतियोगितामा विदुर नगरपालिकाका निजी र सरकारी सबै विद्यालयहरुले सहभागिता जनाउन सकिने प्रधानाध्यापक राउतले जानकारी दिए।

प्रत्येक समूहमा तीन जना हुनुपर्ने भने भने एक छात्रा अनिवार्य हुनुपर्ने छ ।

प्रतियोतामा प्रथम, द्वितीय र तृतीय हुने विद्यालयले क्रमशः ६ हजार, ४ हजार ५०० र ३ हजार नगद पुरस्कारसहित प्रमाणपत्र प्राप्त गर्नेछ।

सहभागिताको लागि विद्यालयको इमेल tribhavantrishuli@gmail.com मा सहभागीहरुको नाम, कक्षा र शिक्षक प्रतिनिधिको नामसहित भदौ २७ गतेसम्म दर्ता गर्नुपर्ने छ।