नुवाकोट – पत्रकार शरण उत्सुक सापकोटा संगम साकोसको संगम पत्रकारिता पुरस्कारबाट पुरस्कृत भएका छन् ।
संगम साकोसको १७ औं वार्षिक साधारणसभा तथा २५औं वार्षिकोत्सव तथा रजत महोत्सव समारोहबाट राष्ट्रिय सहकारी महासंघ नेपालका अध्यक्ष मिनराज कँडेलले सापकोटालाई दोसल्ला र सम्मान पत्रले सम्मान गरेका हुन् ।
जिल्लामा लामो समयदेखि अनवरत रुपमा समाचार संकलन र सम्प्रेषणको साथै नुवाकोट जिल्लाको पत्रकारितामा उल्लेखनीय योगदान गरेकोमा सम्मान गरिएको सहकारीका अध्यक्ष नारायण श्रेष्ठले बताए ।
पत्रकार सापकोटा विगत २३ वर्षदेखि प्रकाशित हुदैं आएको त्रिशुली साप्ताहिकका प्रकाशक तथा सम्पादक हुन् ।
प्रतिक्रिया