२०७८, १२ माघ बुधबार

दुई स्वास्थ्य चौकी सम्मानित

डबली खबर     मंसिर २८ २०७८ १८:५१

bidur municipality awared to two heathpost
nuwakot trishuli graphic web media service 2020

नुवाकोट – विदुर नगरपालिकाले गत आर्थिक वर्ष २०७७/७८ मा सबैभन्दा बढी प्रसुती सेवा उपलब्ध गराउने दुई स्वास्थ्य चौकीहरुलाई सम्मान गरेको छ ।

विदुर नगरपालिकाका १८ वटा स्वास्थ्य संस्थाहरु मध्ये ६ वटामा प्रसुती सेवा उपलव्ध रहेको छ । ती मध्ये सबै भन्दा बढी प्रसुती सेवा प्रदान गर्ने खड्कभञ्ज्याङ स्वास्थ्य चौकी र नुवाकोट स्वास्थ्य चौकीलाई नगरपालिकाले नगद रुपैयाँसहित प्रमाणपत्र प्रदान गरिएको स्वास्थ्य शाखाका जनस्वास्थ्य निरिक्षक रामराजा भण्डारीले जानकारी दिए । उनको अनुसार खड्कभञ्जयाङ स्वास्थ्य चौकीलाई १० हजार रुपैयाँ र नुवाकोट स्वास्थ्य चौकीलाई ५ हजार रुपैयाँ प्रदान गरिएको छ ।

गत आर्थिक वर्षमा खड्कभञ्ज्याङ स्वास्थ्यचौकीले १५ जनालाई  र नुवाकोट स्वास्थ्य चौकीले ५ जनालाई सुत्केरी सेवा उपलब्ध गराएको विदुर नगरपालिकाको स्वास्थ्य शाखाले जनाएको छ ।

नगरका स्वास्थ्य चौकीहरु मध्ये खडगभञ्ज्याङ, चारघरे, कल्याणपुर, गेर्खु, तुप्चे र नुवाकोटबाट प्रसुती सेवा उपलब्ध हुने गरेको छ ।




Bachchhaladevi Suppliers
Nuwakot FM 106.8 MHz
Radio Sanjiwani
Radio Langtang

प्रतिक्रिया


Top