विदुर – विदुर नगरपालिका वडा नम्बर ४ बट्टारको पुरानो बजारमा रहेको ऐतिहासिक पाटी पुरातत्व विभागले पुननिर्माण गर्ने भएको छ ।
करिब ३ सय वर्षअघि निर्माण भएको सो पाटी विभागले हुबहु निर्माण गर्ने विदुर नगरपालिका वडा नम्बर ४ का वडाअध्यक्ष टलकमान श्रेष्ठले जानकारी दिनुभयो ।
मल्लकालमा निर्माण भएको सो पाटी निर्माणको लागि पुरातत्व विभागले ८० लाख रुपैयाँ बजेट तर्जुमा गरेकोमा त्यसमा निर्माण व्यवसायीले ५५ लाख रुपैयाँमै यसअघिको जस्तै मौलिक संरचना कायम गरेर बनाउन थालिएको हो । २०७२ सालको महाभुकम्पले ध्वस्त भएको पाटी यसै आर्थिक वर्षभित्र निर्माण सम्पन्न हुने वडाअध्यक्ष श्रेष्ठले बताउनु भयो ।
विदुर नगरपालिकाले नगरक्षेत्रलाई सम्पदा शहरको रुपमा विकास गर्न लागिपरेको भन्दै यस वर्ष धेरै मात्रामा सम्पदा क्षेत्रमा बजेट बिनियोजन गरेको जानकारी दिनुभयो ।
सो पाटीलाई पुरानै शैली तथा अवस्थामा निर्माणको लागि विदुर नगरपालिकाका मेयर सञ्जु पण्डितले विशेष पहल गर्नुभएको थियो ।
प्रतिक्रिया