विदुर । बडा दशैं तथा तिहारलाई लक्षित गर्दै विदुर नगरपालिका-४ बट्टार बसपार्कमा यात्रुहरुको सहायताका लागि यात्रु सहायता कक्ष सञ्चालनमा आएको छ ।
चाडपर्वमा सवारीसाधानहरुमा क्षमता भन्दा बढी यात्रु राख्ने, बढी भाडा लिने लगायतका कार्यहरु हुने भएकाले त्यसको न्यूनीकरण गर्नका लागि यात्रु सहायता कक्ष सञ्चालनमा ल्याईएको प्रहरी प्रमुख अविनारायण काफ्लेले बताए ।
जिल्ला प्रहरी कार्यालय र जिल्ला ट्राफिक प्रहरी कार्यालयको संयुक्त पहलमा यात्रु सहायता कक्षा सञ्चालनमा ल्याइएको हो ।
सार्वजनिक सवारीसाधनहरुमा भाडादरको सूची अनिवार्य राख्नु पर्ने र कसैले तोकेको भन्दा बढी भाडा लिएको पाइएमा कारवाही गरिने काफ्लेले चेतावनी दिएका छन् ।
नुवाकोटमा टिमुरे यातायात, पासाङल्हामु यातायात, केरुङ यातायात, नेपाल माईक्रोबस, टाटा सुमो, नगरबस लगायतका सार्वजनिक सवारीसाधनहरु सञ्चालनमा रहेका छन् ।
प्रतिक्रिया