जीबिआइएमई र जनता बैंक मर्जरमा

हाल जीबिआइएमई बैंकको चुक्ता पूँजी दश अर्ब ३१ करोड रुपैयाँ छ भने जनता बैंकको आठ अर्ब रुपैयाँ छ। ग्लोबलले जनतालाई ८५ प्रतिशत स्वाप दिएमा दुई बैंक मर्जर भएर बन्ने बैंकको चुक्ता पूँजी १७ अर्ब ११ करोड नाघ्नेछ।

मर्जरपछि बैंकको नाम ग्लोबल आइएमई नै रहने समझदारी भएको छ । सञ्चालकमा दुई जना जनता बैंकबाट आउने सहमति भएको छ ।

प्रमुख कार्यकारी अधिकृतमा जनताका परशुराम कुँवर क्षेत्रीले निरन्तरता पाउने छन् भने बरिष्ठ डेपुटी सिइओमा महेश ढकाल हुनेछन् ।

मर्जरपछि बैंकको केन्द्रिय कार्यालय पानिपोखरीमा रहने भएको छ। मर्जर सम्झौता पश्चात दुबै बैंकको आइतबारदेखि शेयर कारोबार रोकिने भएको छ।