विदुर / सचेतन सामुदायिक सिकाइ केन्द्रको आयोजनामा तीन महिने आधारभुत सिलाई कटाई सञ्चालन हुने भएको छ ।
आगामी असार ८ गतेबाट सञ्चालन हुने तालिमले नयाँ यूवा उद्यमीवर्गलाई लक्षित गर्दै सिपमूलक तालिम सञ्चालन गर्न लागिएको हो ।
तालिम नि:शुल्क लिन सकिने भएकोले इच्छुक युवा उद्यमीहरुले असार ५ गते भित्र नाम दर्ता गराउन सकिने केन्द्रका अध्यक्ष पशुपति काेईरालाले जानकारी दिनुभयो । तालिममा करिब ५० प्रशिक्षार्थी सहभागी हुने अध्यक्ष काेईरालाले जानकारी दिनुभयो ।
तालिममा सहभागीको लागि नागरिकताको प्रतिलिपि र दुई थान फोटो पेश गर्नुपर्ने छ भने असार ५ गतेभित्र निवेदन दिईसक्नुपर्ने केन्द्रका परिचालिका विना खातीले जानकारी दिनुभयो ।
विदुर नगरपालिका-४ विदुर मगरथोकमा केन्द्रको कार्यालय रहेको छ ।
प्रतिक्रिया