बिदुर / टिप्परले मोटरसाइकललाई ठक्कर दिँदा मोटरसाइक चालकको घटनास्थलमै मृत्यु भएको छ ।
बिहान काठमाण्डौ-त्रिशूली सडकखण्ड अन्तर्गत बट्टारको भीमसेन विद्यालय अगाडीको मार्गमा बा ५ ख २८९८ नम्बरको टिप्परले विपरीत दिशाबाट आइरहेको ना ३३ प ३४६३ नम्बरको मोटरसाइकललाई ठक्कर दिँदा मोटरसाइकल चालक विदुर नपा–२ बट्टारका २५ वर्षीय दीवाकर खनालको घटनास्थलमै ज्यान गएको प्रहरी उपरीक्षक कृष्णबहादुर पल्लिमगरले जानकारी दिनुभयो ।
मोटरसाइकलमा सवार खनालका साथी २४ वर्षिय मुन्ना गुप्ता घाइते भएका छन् । आक्रोशित स्थानीयले दुर्घटनापछि टिप्परमा आगजनी गरेका छन् ।
त्यस्तै, हिजो बिहिबार बिदुर नगरपालिका लोकत्रान्त्रिक चौतारास्थित ढुङ्गेबाट बट्टारतर्फ जादै गरेको बा १ ज ९३४४ नं.को माईक्रोबस र विपरित दिशाबाट आउदै गरेको बा ८६ प ९२१४ नं. को मोटरसाईकल एक आपसमा ठक्कर खादा मोटरसाइकल चालक बिनपा-९ का वर्ष २९ को सन्तोष तामाङ र बर्ष २१ को राजकुमार ढकाल खट्टा, टाउको र तिघ्रामा चोट अबस्था गम्भिर भएको थिए ।
उपचार सिटी हस्पिटलमा ल्याइएकोमा थप उपचारको लागि दुवै जना घाइतेलाई डाईनेश्टिक एयरको हेलीद्वारा काठमाण्डौको ग्राण्डी हस्पिटल पठाइएको थियो ।
प्रतिक्रिया