बिदुर / नुवाकोट-रसुवा सडकखण्ड अन्तर्गत बिदुर नगरपालिका-१० गेर्खुटारमा यात्रुवाहक बस दुर्घटनामा चालक गम्भीर घाईते भएको छ।
त्रिशुली-बेत्रावती रुटको ना ४ ख ७३०० नम्बरको बस बेत्रावतिबाट बिदुरतर्फ आउँदै गर्दा अहिले साँझ ६:४० बजे दुर्घटना भएको जिल्ला प्रहरीले जानकारी दिएको छ ।
दुर्घटनामा परि गम्भिर घाइते भएका चालक श्यामबहादुर तामाङलाई जिल्ला त्रिशुली अस्पताल नुवाकोटमा ल्याइएको प्रहरीले जनाएको छ । तामाङलाई थप उपचारको लागि काठमाण्डौ लगिएको छ ।
बस सडकबाट करिव १ सय मिटर तल खसेर आँपको रुखमा अड्किएको अबस्थामा रहेको प्रहरीले जनाएको छ ।
दुर्घटनाको थप विवरण आउन बाँकी रहेको छ ।
प्रतिक्रिया