विदुर / खिञ्चेत कृषि सहकारीको सातौँ वार्षिक साधारणसभाले सम्पन्न भएको छ । सहकारीको अध्यक्षमा नारायण गिरी निर्विरोध निर्वाचित भएको छ ।
गिरीको अध्यक्षतामा ९ सदस्यीय नयाँ कार्य समिति गठन भएको छ । उपाध्यक्षमा चन्द्रबहादुर खड्का, सचिवमा कृष्णप्रसाद अधिकारी, कोषाध्यक्षमा राजेन्द्र दवाडी र सदस्यहरुमा चिरन्जीवि गिरी, सुशिला पण्डित, सिता घले, मनिष नगरकोटी र सुनिल श्रेष्ठ चयन भएका छन् ।
जिल्ला सहकारी संघका सदस्य नविन्द्रमान प्रधानको प्रमुख आतिथ्यतामा सम्पन्न भएको थियो । प्रधानले अबको सहकारी अभियान अन्तर सहकारी समन्वय गर्न अपरीहार्य भएको बताउनुभयो । “अहिले मुख्य सहकारीको समस्या भनेको भाका नाघेको ऋण हो तसर्थ ऋण लगानी गर्दा सजग हुनुपर्ने” प्रधानले बताउनु भयो । प्रधानले पुराना सहकारीको गुनासोमा नगर संजालले भाका नाघेका ऋण उठाउन सहजीकरण गर्ने पनि जानकारी गराउनु भयो ।
प्रतिक्रिया