विदुर/ त्रिशुली-काठमाण्डौ रुटमा बस संचालन गर्दै आएको टिमुरे बस तथा मिनिबस यातायात प्रा.लि.ले आजबाट रसुवाको टिमुरेमा पनि बस संचालनमा ल्याएको छ ।
“भरपर्दो, सुरक्षित र आरामदायी यात्रा-हाम्रो प्रतिबद्धता” भन्ने मूल नारासहित गत असोज २६ गतेबाट आफ्नो सेवा सुरु गरेको प्रालिले यस अघि रौतहटको गौर र विरगंजसम्म संचालनमा ल्याईसकेको छ ।
सुव्यवस्थित व्यवस्थापन समुह र १२ वटा बसहरु सहित करिव ५ करोड रुपैयाँको लगानीमा १२ वटा बसहरु संचालनमा ल्याएको टिमुरे यातायातका अध्यक्ष प्रकाश जोशीले बताउनुभयो । वृद्धवृद्धाहरुलाई सहुलियत दरमा सेवा प्रदान गरिने अध्यक्ष जोशीले बताउनुभयो । प्रालिले टिकट काट्नको लागि काउन्टर त्रिशुली, बट्टार, देविघाट र काठमाण्डौको माछापोखरीमा राखिएको जनाएको छ ।
प्रालिको विदुर नगरपालिका-१, त्रिशुली बजारमा मुख्य कार्यालय रहेको छ । गर्मिको समयलाई मध्यनजर नजर गर्दै बसभित्र फ्रिजको पनि सुविधा थपिने प्रालिले जनाएको छ ।
प्रतिक्रिया