विदुर / निजि तथा अावासीय विद्यालय अर्गनाइजेसन नेपाल (प्याब्सन) नुवाकोटले जिल्लाका स्थानीयतहहरुमा संगठन विस्तारलाई अघि बढाएको छ । सोहि अनुसार विदुर नगरपालिकामा संगठन विस्तार गरेको छ ।
आज भएको प्रथम विदुर नगर अधिवेशनबाट ताराबहादुर कार्कीलाई अध्यक्षमा चयन गरेको छ । नव-गठित कार्यसमितिको उपाध्यक्षमा गगनकल्याण प्रधान, सचिवमा सरोज बोगटी, कोषाध्यक्षमा श्रीराम नेपाल, सदस्यहरुमा सचि चित्रकार, रामहरी बस्नेत, बसन्त श्रेष्ठ, दिलकुमारी तामांग र रामराजा कुमाल चयन भएका छन् ।
कार्यक्रममा प्याब्सन केन्द्रिय सदस्य ठाकुरप्रसाद पुडासैनीको प्रमुख आतिथ्यमा भएको थियो । नुवाकोट जिल्लाका अधिकांश निजी विद्यालयहरुको संरचनाको स्तरोन्नतिसंगै समयानुकुलको गुणस्तरीय शिक्षा, प्रविधि तथा प्राविधिक शिक्षामा जोड दिनुपर्ने पुडासैनीले बताउनुभयो ।
कार्यक्रममा प्याब्सन नुवाकोटका अध्यक्ष वुद्धिसागर रिजाल , प्याब्सन प्रदेश नं. ३ का अध्यक्ष रामहरी रिमाल, प्याब्सन नुवाकोट एवं निवर्तमान सभासद् राज्यलक्ष्मी श्रेष्ठ (पाण्डे), प्याब्सन नुवाकोटका पूर्वसल्लाहकार सुरेन्द्रराज अधिकारी लगायतले मन्तव्य राख्नु भएको थियो ।
प्याब्सन नुवाकोट अन्तर्गत विदुर नगरपालिकामा २७ निजी विद्यालय रहेको छ ।
प्रतिक्रिया