विदुर / घरको छतबाट फोहोर फाल्नेक्रममा एक महिलाको छतबाट खसेर मृत्यु भएको छ ।
मृत्यु हुनेमा विदुर नगरपालिका-१ ढुङ्गेका २९ वर्षीया सिर्जना ढुंगाना रहेको जिल्ला प्रहरी कार्यलय नुवाकोटले बताएको छ ।
फोहोर फाल्नका लागि घरको छतमा पुगेका ढुंगाना एक्कासी खसेर घर अगाडीको सडकमा पुगेका थिए । छतबाट खसेर गम्भीर घाइते भएका ढुंगानाको उपचारको लागि जिल्ला अस्पताल लगिएको थियो । अस्पताल लग्ने बित्तिकै चिकित्सकले मृत घोषित गरेको जिल्ला प्रहरी कार्यालय नुवाकोटले जनाएको छ ।
मृतक ढुंगाना जिल्ला अदालत नुवाकोटका तामिलदार पदमा कार्यरत कर्मचारी हुन् ।
प्रतिक्रिया