राष्ट्र प्रेमको भावनामा बनेको “माथि माथि हिउँचुली” गीतले देश तथा विदेशमा रहेका नेपाली सबैको मन छोएको छ ।
गीतमा चितवन घर भएका एघार बर्षिया बाल गायिका समृद्धि तिमल्सिनाको स्वर रहेको छ । युट्यूबमार्फत् सार्वजनिक गरिएको गीतले महिनादिन नपुग्दै गीतले चर्चा बटुल्दै आएको छ । राष्ट्र प्रेमको भाव बोकेको यो गीत सरल र मिठो लयमा रहेको छ ।
गीतमा रमेश अधिकारीको शब्द, चक्रपाणी तिमल्सिनाको संगीत रहेको छ । सामाजिक संजालमार्फत गीतको प्रचारप्रसार गरिएको संगीतकार तिमल्सिनाले जनाएको छ । समृद्धि संगीतकार चक्रपाणि तिमल्सिनाका छोरी हुन् ।
सानै उमेरदेखि गीतमा रुची राख्ने समृद्धिले विद्यालयस्तरमा हुने गायन प्रतियोगितामा सँधै अग्र स्थानमा रहने आमा बबिता खनालले बताउनुभयो । नेपाली सांगीतिक क्षेत्रमा चर्चित गायिका मेलिना राईको अनुयायी एवम् प्रशंसक समेत रहेको समृद्धि तिमल्सिना बताउनुभयो ।
रेकर्डिङ स्टुडियोमा पहिलोपटक पाइला टेकेका समृद्धिले गीतलाई सहज रुपमा गाएका बालिका प्रतिभाशाली गायिका रहेको संगीत संयोजक राजु खड्का र डिजिटल काठमाडौंका संचालक डिका गुरुङले बताउनुभयो ।
समृद्धि चितवनको स्काई राइडर आवासीय उच्च माध्यामिक विद्यालयमा कक्षा ५ मा अध्यनरत पढाई लगायत खेलकुदमा पनि अब्बल रहेको आमा बबिता खनालले बताउनुभयो ।
प्रतिक्रिया