नुवाकोटमा बस दुर्घटना, २५ घाईते ४ गम्भीर (घाईतेको नामावली सहित)

विदुर/ नुवाकोटको विदुर नगरपालिका-९ स्थित लामाटार चौतारामा यात्रुबाहक बस दुर्घटना परि २५ घाइते भएको छ ।

जिल्ला प्रहरी कार्यालयले जानकारी दिएको अनुसार देउराली बुङताङबाट त्रिशुली आउंदै गरेको पासाङल्हामु यातायातको बा २ ख २८०४ नम्बरको यात्रुबाहक बसले विपरित दिसाबाट आएको मिनी टाटालाई साइड दिने क्रममा माटो भासिएर सडकदेखि ४० मिटर तल खस्न पुगी दुर्घटना भएको हो ।

दुर्घटनामा परि २५ जना घाईते भएको र गम्भीर घाइते हुनेलाई काठमाण्डौ लगिएको अन्य घाइतेहरुलाई जिल्ला अस्पताल त्रिशुलीमा उपचार भइरहेको जिल्ला प्रहरी कार्यालयले जानकारी दिएको छ ।

बसका चालक र सहचालक दुवै घाइते भएको पासाङल्हामु यातायात समितिका अध्यक्ष कुलबहादुर खड्गीले जानकारी दिनुभएको छ । बस पूर्ण रुपले क्षति भएको अध्यक्ष खड्गीले बताउनुभयो।

अन्य घाइतेहरुको भने पहिचान खुल्न नसकेको जिल्ला प्रहरी कार्यालय नुवाकोटले जनाएको छ ।