कल्याणपुर, नुवाकोट । विदुर नगरपालिका वडा नं. १३ स्थित डेउडीमा तीस जना जेष्ठ नागरिकलाई आर्थिक सहयोगसहित सम्मान गरिएको छ ।
कार्यक्रममा विदुर नपा वडा नं. १३ का वडाध्यक्ष दलबहादुर तामाङले जेष्ठ नागरिकलाई दोसल्ला ओढाएर सम्मान गर्नुभएको छ । जेष्ठ नागरिकलाई माया, आदर गर्नुपर्ने र यस्ता सम्मान कार्यक्रमले जेष्ठ नागरिकलाई खुशी मिल्ने अध्यक्ष तामाङले बताउनुभयो ।
कार्यक्रममा विनपा-१३ का वडासचिव महेशकुमार श्रेष्ठले जेष्ठ नागरिकलाई प्रदान गरिने रकम निकै कम भएको र जिविकोपार्जन सहज हुने आर्थिक व्यवस्था गरिनुपर्ने धारण व्यक्त गर्नुभएको थियो ।
कार्यक्रममा विदुर नपाका सदस्य मानबहादुर खडका, पुरुषोत्तम अधिकारी, पत्रकार लगायतको उपस्थिती रहेको थियो ।
कार्यक्रम विदुर नगरपालिका वडा नं. १३ को कार्यलयले आयोजना गरेको हो ।
प्रतिक्रिया