विदुर / नुवाकोटमा राष्ट्रिय वृक्षारोपण दिवस २०७५ को अवसर पारेर वृक्षारोपण दिवस मनाईएको छ ।
जिल्ला वन कार्यालय नुवाकोटको आयोजनामा स्वच्छ वातावरण महाभियान भन्ने नारा सहित आज विहान विदुर सदरमुकामस्थित घरेलु तथा साना उद्योग विकास समिति नुवाकोटको नयाँ भवन परिसरमा वृक्षारोपण गरिएको हो ।
कार्यक्रममा प्रमुख जिल्ला अधिकारी उद्धवबहादुर थापा, जिल्ला समन्वय समितिका उपप्रमुख अप्सरा थापा, सरकारी कार्यालयका प्रमुख तथा कर्मचारीहरु, सरोकारवाला, राजनीति दलका प्रतिनिधि, पत्रकार लगायतको सहभागिता रहेको थियो ।
कार्यक्रममा धुपी, कपुर, तेजपत्ता, कल्पी लगायतका ५० किसिमका विरुवाहरु रोपिएको थियो ।
प्रतिक्रिया