सुनील श्रेष्ठ / विदुर, निर्वाचन कार्यालय नुवाकोटले गत साउन १ देखि भदौ ३ गतेसम्म सञ्चालन गरेको फोटोसहितको मतदाता नामावलीमा १९ हजार ४ सय ३१ जनाले नाम दर्ता गराएका छन् ।
आगामी मंसिर १० गते हुने प्रदेश र प्रतिनिधिसभा निर्वाचनलाई ध्यानमा राखी सञ्चालन गरिएको सो मतदाता नामावली थप अभियानमा ८ हजार ९ सय ३९ महिला र १० हजार ४ सय ९० पुरुषले नाम दर्ता गराएको निर्वाचन अधिकारी जनार्दन अधिकारीले बताए ।
उमेर पुगेर पनि मतदाता नामावलीमा नाम लेख्न छुटेका कारण स्थानीय तहको निर्वाचनमा मतदान गर्न नपाएका नागरिकले तोकिएको कार्यालय पुगेर ककनी गाउँपालिकाबाट १ हजार ७ सय ९३, किस्पाङ गाउँपालिकाबाट ५ सय ७४, तादी गाउँपालिकाबाट ७ सय १४, तारकेश्वर गाउँपालिकाबाट ८ सय ९३, दुप्चेश्वर गाउँपालिकाबाट ७ सय ७८, पञ्चकन्या गाउँपालिकाबाट ५ सय ६२, बेलकोटगढी नगरपालिकाबाट ९ सय ९३, मेघाङ गाउँपालिकाबाट १ हजार १९, लिखु गाउँपालिकाबाट १ हजार २ सय ९७, शिवपुरी गाउँपालिकाबाट ९ सय ६३, सूर्यगढी गाउँपालिकाबाट ६ सय ८ र जिल्ला निर्वाचन कार्यालय नुवाकोटबाट ९ हजार २ सय ९१ जनाले फोटो सहितको मतदाता नामावली दर्ता गराएका छन् ।
त्यसै गरी नामावली त्रुटी सच्चाउने २ सय १२, जिल्लाभित्र ठाउँसारी ४ सय २२, जिल्ला बाहिर ठाउँसारी ७८ र नामावली हटाउनेमा ६ गरी मतदाताको अद्यावधिक गरिएको थियो ।
अध्ययन र कामको सिलसिलामा जिल्ला बाहिर रहेकाहरु पनि आफ्नो मतदाता नामवली दर्ता गराउन आएको जानकारी अधिकारीले बताए ।
हालै भएको स्थानीय तहको निर्वाचनमा गत फागुन ९ गतेसम्म नाम अध्यावधिक भएका महिला १७५५५ र पुरुष १६७७६ गरी नुवाकोटमा ३४३३१ मतदाता थिए ।
प्रतिक्रिया