निजामती सेवा दिवस: कार्यालय प्रमुखहरुको नसर्ने रोगहरुको स्वास्थ्य परीक्षण

१६ भदौ, कोलेनी । कर्मचारी मिलन केन्द्र नुवाकोटले आज भदौ १६ गतेदेखि २२ गतेसम्म विविध कार्यक्रम गरी निजामती सेवा दिवस मनाउने तालिका सार्वजनिक गरेको थियो ।

यसै क्रममा आज सोमबार कर्मचारी मिलन केन्द्रको आयोजना र त्रिशूली अस्पतालको समन्वयमा नसर्ने रोगहरुको स्वास्थ्य परीक्षण कार्यक्रम गरिएको छ ।

अस्पतालका निमित्त निर्देशक डा. राजेन्द्र लामाका अनुसार जिल्लास्थित विभिन्न सरकारी कार्यालयका १८ जना कार्यालय प्रमुखहरुको स्वास्थ्य परीक्षण गरिएको हो। स्वास्थ्य परीक्षणमा मधुमेह, रक्तचाप, तौलअनुसारको उचाइ लगायतका जाँचहरू गरिएका थिए।