नुवाकोट – सनराइज बैंकले विदुर नगरपालिका वडा नम्बर १२ गौरिबेंशीमा शाखारहित बैंकिङ सेवा सञ्चालनमा ल्याएको छ ।
बुधबार शाखारहित सेवाको उद्घाटन विदुर नगरपािलका-१२ का वडाध्यक्ष सिताराम अर्यालले गरेका हुन् । उक्त सेवा सञ्चालनमा आएसँगै बैंकको शाखारहित बैंकिङ सेवाको संख्या ८३ पुगेको छ ।
बैंकिङ सेवाको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ्ग सेवा अन्तर्गत ए.टि.एम कार्डमार्फत कारोबार गर्न सकिने नुवाकाेटका लागि बैंकका शाखा प्रबन्धक दिपेन्द्र श्रेष्ठले बताए । यस सेवाबाट ग्राहकवर्गले निक्षेप सकंलन, रकम भुक्तानी, रकम स्थानान्तरण, बिल भुक्तानी जस्ता सेवाहरु लिन सकिने उनले बताए ।
बैंकले गौरीबेसिंमा शाखारहित बैंकिङ सेवाको प्रतिनिधिका रुपमा रविन्द्र घिमिरेलाई नियुक्त गरेको छ ।
कृषि र रेमिट्यान्स प्रमुख आयस्रोत रहेको सो क्षेत्रका बासिन्दाहरुमा बैंकिङ पहुँच बढाउने उद्देश्यका साथ बैंकिङ सेवा सुरु गरेको बैंकले जनाएको छ ।
हाल सम्म सनराइज बैंकले १३९ वटा शाखा, १२ वटा एक्सटेन्सन काउण्टर र १६१ वटा ए.टि.एममार्फत आफ्ना ७ लाख भन्दा बढी ग्राहकहरुलाई सेवा प्रदान गर्दै आइरहेको छ ।
प्रतिक्रिया