नुवाकोटको २१ गाविस पहिरोको जोखिममा

नुवाकोट जिल्लामा रहेको ६१ वटा गाउँ विकास समिति र एउटा नगरपालिका मध्ये २५ वटा गाउँ विकास समिति पहिरोको उच्च जोखिममा रहेको आन्तरिक अध्यायनको प्रतिवेदन तयार भईरहेको छ । जिल्ला विकास समिति, जिल्ला दैवी प्रकोप उद्धार समिति र जिल्ला प्रशासन कार्यालयको टोलीको अध्यायनले २५ गाविसलाई यो वार्खामा पहिरो उच्च जोखिमको रुपमा राखेको छ ।

खानी तथा भुगर्भ विभागको अध्यायन पनि जिल्ला प्रशासन कार्यालयमा प्राप्त भएको छ । नुवाकोटका प्रमुख जिल्ला अधिकारी विष्णुप्रसाद पोखरेलका अनुसार विभागले पठाएको प्रतिवेदनले जिल्लाको ११ वटा गाउँ विकास समितिका २८ स्थाालाई पहिरोको उच्च जोखिममा राखेको छ ।

विभागले गरेको अध्यायनका आधारमा नुवाकोट जिल्लाको ११ वटा गाउँ विकास समितिका २८ वटा गाउँ मध्ये तत्कालै बस्ती सारिनु पर्ने गाउँमा घ्याङ्गफेदी गाविसको वडा नं. ३ सेल्जुङ्ग रहेको छ । त्यस बाहेक उच्च पहिरोको जोखिममा विभागले लच्याङ्ग, साल्मे, किम्ताङ्ग, उर्लेनी, कल्याणपुर, महाकाली, घ्याङ्फेदी, शिखरवेशी, गो¥याङ्ग, कुमरी र चाउथे गाउँ विकास समितिका विभिन्न वडाका २८ स्थान हेको प्रमुख जिल्ला अधिकारी विष्णुप्रसाद पोखेलले बताउनुभएको छ । अघिल्लो साता मात्रै बुङ्गताङ्ग गाविसमा पहिरोमा घर पुरिएर दुई बालकको ज्यान गएको थियो ।

यो घटनासंगै जिल्लाको सुरक्षित मानिएको स्थानहरु पनि पहिरोको जोखिममा रहेको पुष्ठि भएको छ । त्यसैका आधारमा पनि नुवाकोटको जुनसुकै स्थानमा यो पाली पहिरो जाने सम्भावना देखिएको छ । पोहोरको भुकम्पले बेस्करी हल्लाएको जमिनलाई यो वर्खामासमा परेको पानीले गलाउन थालेको छ । गलेको जमिनका कारण पहिरोको उच्च जोखिममा रहेका नागरिकहरुको विषयमा सरकारले पनि चनाखो भएर बस्ने गरी योजना बनाएको छ । पहिरोका कारण कसैको बास गुमेमा अहिले तयार भएको सामुहिक आवास गृहमा स्थानात्रण गरिने योजना तयार भएको छ । जिल्लाको विभिन्न् चार स्थानमा सम्पन्न भएको र बाँकी हरेको तीन स्थानको सामुहिक आवास गृह पहिरोबाट घर गुमाएकाहरुका लागि प्रयोग गरिने प्रमुख जिल्ला अधिकारी पोखरेलले बताउनुभएको छ ।

दैबी प्रकोपमा परेकोहरुलाई उद्धार गर्नका लागि र विशेष गरी यो वर्खामा पहिरोबाट हुने जोखिम र क्षती न्युनिकरणका लागि योजना सहित जिल्ला दैवी प्रकोप उद्धार समिति नुवाकोट तयारी अवस्थामा रहेको छ । प्रमुख जिल्ला अधिकारी विष्णुप्रसाद पोखरेलका अनुसार घटनामा परेकाहरुको तत्कालै उद्धार गर्ने देखि राहतका कार्यमा तयारीका साथ स्थानीय प्रशासन चनाखो भई बसेको छ ।

आफ्नो बसोवास रहेको स्थान असुरक्षित रहेको महशुस भएका नगरिकहरुले जिल्ला प्रशासन कार्यालय तथा प्रहीलाई खबर गरे सुरक्षित स्थानमा पुर्नथापना हुन सक्ने छन् । त्यसका लागि प्रमुख जिल्ला अधिकारीको मोवाइल नम्वर अन्ठाननब्बे पाँच एधार चार चारवटा सात, अन्ठाननब्बे पाँच एधार चार चारवटा सात र प्रहरी प्रमुखको मोवाइल नम्वर ९८५१२९५५५५ मा सम्पर्क गर्न सकिने छ ।

गमला लामा