२० कात्तिक, काठमाडौं । रिमोट डेस्कटप सफ्टवेयर मल्टिपल डेस्कको प्रिमियम भर्सन पनि सावर्जनिक भएको छ । टिमभ्युअर वा एनिडेस्क जस्ता कम्पनीको विकल्पमा जुनेली इङ्कले नेपालमै मल्टिपल डेस्क सफ्टवेयरको विकास गरेको हो । 

अन्य विदेशी रिमोट डेस्कटप सफ्टवेयरको तुलनामा मल्टिपल डेस्कको प्रिमियम भर्सन धेरै सस्तो रहेको जुनेली इङ्कका प्रमुख कार्यकारी अधिकृत अपार थेबेले बताए । निःशुल्क पनि चलाउन सकिने मल्टिपल डेस्क यदि प्रयोगकर्ताहरूलाई थप सुविधा चाहिए शुल्क तिरेर प्रिमियम भर्सन समेत खरिद गर्न सकिने उनले बताए ।

सफ्टवेयरको निःशुल्क भर्सनमा सिंगल डिभाइस सपोर्ट, दैनिक २ जीबी फाइल ट्रान्सफर, AES-256 इन्क्रिप्सन, क्लिपबोर्ड सिन्क्रोनाइजेसन र कम्युनिटी सपोर्ट जस्ता सुविधा छन् । तर तपाईलाई यी सुविधाले पुग्दैन् भने प्रिमियम भर्सन लिन सक्नुहुन्छ ।

प्रिमियम भर्सन पनि बिजनेस र कर्पोरेट गरी दुई वटा छन् । साना तथा मध्यम व्यवसायका लागि ‘बिजनेस भर्सन’ र ठूला ठूला कर्पोरटहरूका लागि ‘कर्पोरेट भर्सन’ छ ।

बिजनेस भर्सनको शुल्क मासिक ६५० रूपैयाँ छ । यसमा अनलिमिटेड डिभाइस, प्रायोरिटी सपोर्ट, फाइल ट्रान्सफर, सेसन रेकर्डिङ लगायतका सुविधा छन् ।

यस्तै कर्पोरेट भर्सनको शुल्क मासिक ९५० रूपैयाँ तोकिएको छ । निःशुल्क र बिजनेस भर्सनका सुविधा बाहेक अडिट लग, डेडिकेटेड म्यानेजर, कस्टम इन्टिग्रेसन लगायतका सुविधा छन् । कर्पोरेट भर्सनका ग्राहकलाई आफ्नो डेटा आफ्नै सर्भरमा होस्ट गर्न सकिने सुविधा पनि दिइएको छ ।

मल्टिपल डेस्कको आधिकारिक वेबसाईट वा प्रत्यक्ष विस्तृतमा जान्न चाहनुहुन्छ भने नास आईटी एक्सपो २०२५ भिजिट गर्न सक्नु हुनेछ ।

यही शुक्रबार र शनिबार ललितपुरस्थित सानेपाको हेरिटेज गार्डेनमा हुने नास आईटी एक्सपोमा जुनेली इंक समेत सहभागी हुँदैछ ।