२०७७, ५ आश्विन सोमबार

आजबाट छैठौं नुवाकोट महोत्सव शुरु (फोटोफिचर)

डबली खबर     माघ १६ २०७६ १९:११



6th nuwakot mahotsav 2076 inauguration honarable chief guest ex president ramvaran yadav

विदुर, नुवाकोट, विदुर नगरपालिका वडा नम्बर ४, बट्टार बसपार्कमा आजबाट छैठौं नुवाकोट महोत्सव शुरु भएको छ ।

नुवाकोट उद्योग वाणिज्य संघको आयोजनमा भएको महोत्सवको पूर्व राष्ट्रपति डा. रामवरण यादवले पानसमा बत्ति बालेर र केक काटेर उद्घाटन गरेका हुन् । कार्यक्रममा यादवले महोत्सवको अवसरमा तयार गरिएको स्मारिका बिमोचन गरे । त्यस्तै, पूर्वराष्ट्रपति यादवले नेपाल साल्ट ट्रेडिङ कर्पोरेशनको स्टलको समेत उद्घाटन गरे ।

संघका अध्यक्ष ताराबहादुर कार्कीले स्थानिय कला, संस्कृति र भाषाको प्रचारप्रसार र प्रर्वद्धन गर्न महोत्सव आयोजना गरिएको बताए ।

ncci nuwakot chairman tara bahadur karki

महोत्सवमा गोरखाबाट पृथ्वीनारायण शाहको भेषभूषा पहिरिएर ६२ वर्षीय ओमबहादुर श्रेष्ठ नुवाकोट आएका छन् । ओमबहादुर कार्यक्रमको मुख्य आकर्षण नै बने ।

prithvi narayan avatar

यसघि बट्टारको पुरानो बजारदेखि महोत्सवस्थलसम्म भएको र्‍यालीमा नेपाल उद्योग वाणिज्य संघका पूर्व अध्यक्ष चण्डीराज ढकाल, उपाध्यक्ष उमेशलाल श्रेष्ठ, कलाकार आकाश अधिकारी लगायत संघका पदाधिकारीहरु सहभागी रहेका थिए । र्‍यालीमा लाखे, भजनबालन, हात्ती नाँच लगायतका झाँकीहरु प्रदर्शन गरेका थिए ।

people are standing for national anthem

shiva parvati avatar

नुवाकोटका १२ स्थानीयतहका कृषि उपजका उत्पादनहरु पनि स्टलमा प्रदर्शनी तथा बिक्रि वितरणका लागि राखिएको छ ।

महोत्सवमा जिल्लामा पहिलोपटक खाजाको लागि “टेकवे सर्भिस” को भ्यान समेत रहेको छ ।

नारायणी बेकरीले महोत्सवमा आउने अवलोकनकर्ताको इन्टरनेट सुविधाको लागि हटस्पट समेत सञ्चालन गरिएको प्रबन्ध निर्देशक सुशन अधिकारीले जानकारी दिए । साथै, बेकरीको उद्योग क्षेत्र वरपर फ्री इन्टरनेट सुविधाको लागि हटस्पट संचालनको लागि तयारीमा रहेको बताए । त्यस्तै, नुवाकोटको बट्टारमा छिट्टै नै अत्याधुनिक बेकरीको साथै पोस अर्डर प्रविधिद्वारा बेकरी तथा कफी अर्डर गर्न सकिने जानकारी दिए ।

महोत्सवमा जिल्लामै उत्पादित हस्तकलाका उपहारहरु, क्यान्डी चकलेट, पाउँ, पस्मिना लगायतका सामग्री समेत रहेका छन् ।

महोत्सवबाट करिब तीन करोड रुपैयाँको कारोबार गर्ने लक्ष्य राखेको छ । महोत्सव माघ २६ गतेसम्म सञ्चालन हुनेछ ।

यो खबर पढेर तपाईलाई कस्तो महसुस भयो ?



प्रतिक्रिया




Top