२०७७, १२ माघ सोमबार
Bachchhaladevi Suppliers

फेसबुकको गलत प्रयोगका लागि जुकरबर्गले माफी मागे

    आश्विन १७ २०७४ २३:०१


Trishuli Web Design Services in Nuwakot
mark zuckerberg facebook f8-developers conference facebook

फेसबुकका संस्थापक मार्क जुकरबर्गले फेसबुकले पारेको नकारात्मक प्रभावका लागि सार्वजनिक रुपमा माफी मागेका छन् ।

फेसबुकको प्रयोग मानिसहरुलाई मिलाउनका लागि भन्दा फुटाउनका लागि गरिएको भन्दै त्यस्तो गलत प्रयोगका लागि जुकरबर्गले माफी मागेका हुन् ।

जुकरबर्गले यस्तो समयमा माफी मागेका छन् जतिबेला अमेरिकी राष्ट्रपति चुनावमा ट्रम्पको पक्षमा माहौल बनाउन तथा मतदात प्रभावित पार्नका लागि रुसले फेसबुकको प्रयोग गरेको विषयमा विभिन्न प्रमाणहरु बाहिर आउन थालेका छन् ।

आफ्नो फेसबुक पेजमा जुकरबर्गले लेखेका छन् : यो वर्ष मैले जो कसैलाई पनि ठेस पूराएको भए म माफी चाहन्छु र भविष्यमा अझै राम्रो बन्ने कोसिस गर्नेछु । जुन रुपमा मेरो कामको प्रयोग मानिसहरुमा फूट पार्नका लागि गरियो त्यसको लागि म माफी चाहन्छु । म राम्रो काम गर्ने कोसिस गर्नेछु ।

यसअघि फेसबुकले ३ हजारवटा विज्ञापनको प्रति अमेरिकी कंग्रेसलाई उपलब्ध गराउने घोषणा गरेको थियो जसलाई रुसको एक छद्म कम्पनीले जून २०१५ देखि मे २०१७ को बीचमा १ लाख डलरमा खरीद गरेको थियो । ती विज्ञापन झण्डै ४७० वटा नक्कली अकाउन्टसँग जोडिएका छन् । जो सम्भवतः रुसबाट संचालित थिए । एजेन्सी

यो खबर पढेर तपाईलाई कस्तो महसुस भयो ?



Diyo Pathshala Montessori

प्रतिक्रिया




Top