२०७७, १० आश्विन शनिबार

नुवाकोटमा ३५ हल गोरु जुधाइयो (फोटो फिचर)

डबली खबर     माघ १ २०७४ १९:३१



bull fight nuwakot nepal

तारुकामा २० हल, बेत्रावतीमा १० हल र पञ्चकन्यामा ५ हल गोरु जुधाइ

नुवाकोट / माघेसंक्रान्तिमा नुवाकोटमा विभिन्न स्थानमा गोरु जुधाएर रमाइलो गरिएको छ । माघेसंक्रान्तिमा गोरु जुधाउने चलन नुवाकोट धादिङतिर वर्षौदेखि चलिआएकामा पछिल्लो समय हराउँदै गएको गोरु जुधाउने चलनलाई २०६२ सालदेखि तारुकाका व्यवस्थित रुपमा जुधाउन थालेपछि अहिले यसको प्रचार व्यापक भएको छ ।

यो वर्ष पनि नुवाकोटको तीन स्थान गोरु जुधाईलाई सफलरुपमा सञ्चालन भएको छ । तारकेश्वर गाउँपालिका– ३ तारुकामा २० हल र विदुर नगरपालिका–१० बेत्रावतीमा १० हल र पञ्चकन्यामा ५ हल गोरु जुधाइएको छ ।

तारुकामा माघेसंक्रान्ति गोरु जुधाई संरक्षण संस्था र बेत्रावतीमा गोसाईकुण्ड युवा क्लबको आयोजनामा मेला सञ्चालन हुने भएको छ । दुबैस्थानमा नेपाल पर्यटन बोर्डसमेत प्रबन्धनको लागि सहयोग गरेको छ ।

मेलामा विजेता गोरु धनीलाई ५ हजार नगद र प्रमाणपत्र तथा उपविजेतालाई ३ हजार पुरस्कार प्रदान गरिएको थियो । तारुकाको विभिन्न स्थानमा गोरु जुधाएर मनोरञ्जन लिने परम्परालाई २०६२ सालदेखि चन्दनीको बारीको ठूलो पाटोमा व्यवस्थित रुपमा गोरु जुधाउन थालिएको हो ।

यस्तै, नुवाकोटको विदुर नगरपालिका वडा नं. १० बेत्रावतीमा १० हल गोरु जुधाइएको आयोजक गोसाईकुण्ड युवा क्लबका अध्यक्ष सुरज लबटले जानकारी दिनुभयो । बेत्रावतीमा विजेता गोरुको धनीलाई ३ हजार र उपविजेता गोरुको धनीलाई २ हजार ५ सय प्रदान गरिएको थियो ।

यो वर्ष पनि तारुमा हजारौं दर्शकहरुले गोरु जुधाएको मनोरन्जन लिन पुगे । तारुकामा २० हल गोरु जुधाइएको थियो । तारुकाको गोरु जुधाई हेर्न एमाले महासचिव ईश्वर पोखरेल, एमाले केन्द्रीय सदस्य सूर्य थापा लगायत पनि पुग्नु भएको थियो । महासचिव पोखरेलले परम्परालाई जोगाई राख्ने हो भने यो मेलालाई व्यवस्थित र सुरक्षित गराउन ध्यान दिनु पर्ने बताउनुभयो ।

पञ्चकन्या गाउपालिकाको घलेभञ्याङ्मा भएको गोरु जुधाईमा बिष्णु लामिछाने भद्रुटार र बेलबहादुर थापा पञ्चकन्याको गोरु पहिलो, राजकुमार थापा भद्रुटार दोस्रो , तेजबहादर थापा पञ्चकन्या तेस्रो भएको छ ।

पहिलोलाई १० हजार, दोर्साेलाई ७ हजार र तेस्रोलाई ५ हजार रुपैया नगद पुरस्कार प्रदान गरिएको थियो ।

जिल्लाको अन्य स्थानमा एक पटक जुधाएर हारजीत भएपछि फेरी दोस्रो चरणमा जुधाउने चलन छैन । तर पञ्चकन्यामा जित्ने जित्नेलाई फेरि जुधाएर पहिलो, दोस्रो र तेस्रो घोषणा गरिएको थियो ।

NUwakot Goru Judhai Bull Fight Nuwakot

Image may contain: sky, cloud, outdoor and nature

Image may contain: one or more people, crowd, tree, sky, basketball court and outdoor

Image may contain: 5 people, crowd and outdoor

Image may contain: one or more people, people standing, tree, outdoor and nature

Image may contain: one or more people, people standing, sky, tree, basketball court, outdoor and nature

Image may contain: one or more people, tree, sky, outdoor and nature

Image may contain: 1 person, smiling, crowd, sky, outdoor and nature

Image may contain: one or more people, crowd, tree, sky, outdoor and nature

Image may contain: 1 person, standing, sky and outdoor

Image may contain: one or more people, sky, outdoor and nature

यो खबर पढेर तपाईलाई कस्तो महसुस भयो ?



प्रतिक्रिया




Top