२०७७, ६ आश्विन मंगलवार

विदुर नगरपालिकालाई स्वास्थ्य सामाग्री

डबली खबर     बैशाख २६ २०७७ १६:२५



health equipment donate yashodha bhagwan memorial hospital to bidur municipality

विदुर – नेपाली काँग्रेस नुवाकोट र यशोदादेवी भगवानसिंह केसी मेमोरियल ट्रष्टले विदुर नगरपालिकालाई स्वास्थ्य सामाग्री वितरण गरेको छ ।

शुक्रबार नेपाली काँग्रेस केन्द्रिय सदस्य एवमं ट्रष्टका संरक्षक अर्जुननरसिंह केसी र ट्रस्टका अध्यक्ष केदारनरसिंह केसीले विदुर नगरपालिका प्रमुख सञ्जु पण्डितलाई दुई थान ज्वरो नाप्ने डिजिटल थर्मोगन, एक हजार थान सर्जिकल मास्क र स्यानिटाइजर लगायतका स्वास्थ्य सामाग्री हस्तान्तरण गरेका हुन् ।

स्वास्थ्य सामाग्री वितरण गर्दै नेपाली काँग्रेस नेता एवं ट्रष्टका संरक्षक अर्जुननरसिंह केसीले कोरोनाभाइरसविरुद्ध सबैजना एक्यबद्ध लाग्नुपर्ने बताए । उनले महामारी र विपद्को समयमा सबै पिडित नागरिकलाई आवश्यकताको आधारमा समान रुपले राहत वितरण गर्न सुझाव दिएका छन् ।

त्यस्तै, ट्रस्टले बेलकोटगढी नगरपालिका-५ का वडाध्यक्ष अनन्तराम नेपाल र वडा नम्वर ७ का वडाध्यक्ष हेमनिधि नेपाललाई सोहि परिमाणमा स्वास्थ्य सामग्री उपलब्ध गराएको छ।

यो खबर पढेर तपाईलाई कस्तो महसुस भयो ?



प्रतिक्रिया




Top