२०७७, ४ आश्विन आईतवार

नुवाकोट १२ वटै गाउँपालिकालाई स्वास्थ्य सामाग्री

डबली खबर     बैशाख २० २०७७ १७:२२



yashoda memorial hospital donate health material infrared thermo gun nuwakot

विदुर – कोरोनाभाइरसको संक्रमणबाट बच्नका लागि पूर्व मन्त्री एवम् नेपाली काँग्रेसका केन्द्रिय सदस्य अर्जुननरसिंह केसीले नुवाकोटका १० वटै गाउँपालिकालाई ज्वरो चेकजाँच गर्ने डिजिटल थर्मोगन वितरण गरेको छ ।

स्वास्थ्य सामाग्री वितरण कार्यक्रममा केसीले कोरोनाभाइरस विरुद्धको लडाईंमा सबै पक्षको सक्रिय सहभागीता हुनुपर्ने बताए । उनले विपद्को समयमा सबै नागरिकलाई आवश्यक्ताको आधारमा समान रुपले राहत वितरण गर्न सबै स्थानिय तहका प्रमुख एवम् प्रतिनिधिहरुलाई आग्रह गरे ।

यशोदादेवी भगवानसिंह केसी मेमोरियल ट्रस्टले जिल्लाका १० वटै गाउँपालिकालाई मास्क र स्यानिटाइजर वितरण गरेको छ । ट्रस्टका अध्यक्ष  डा. केदारनरसिंह केसीका अनुसार सबै गाउँपालिकालाई १ हजारको दरले मास्क र ४० प्रति स्यानिटाइजर वितरण गरिएको छन् ।

ट्रस्टले यस अघि पनि स्वास्थ्यकर्मी, पत्रकार, एम्बुलेन्स चालकलाई विभिन्न स्वास्थ्य सामग्री र मजदुर दिवसका दिन कृषकका लागि खाद्यान्न सामग्री उपलब्ध गराएका थिए ।

यो खबर पढेर तपाईलाई कस्तो महसुस भयो ?



प्रतिक्रिया




Top