२०७७, ४ माघ आईतवार
District Cooperative Union Notice
Bachchhaladevi Suppliers

रोपाईंको उत्सवमा गुमे मेघबहादुर दुई छोरा

    असार १८ २०७३ २२:३४


Trishuli Web Design Services in Nuwakot
bungtang pahiro photo

विदुर – रोपाईंको चटारो त्यसमा पनि असार १५ को पर्व । आकासको पानीकै भरमा खेतिपाती धान्नुपर्ने नुवाकोटको बुङताङ गाउँमा गएको राती प्रयाप्त पानी परेपछि अघिपछिका दिनभन्दा छुट्टै रौनक छाएको थियो । विहानैदेखि छरछिमेक र गाउँले सबै धान रोपाईंको तयारीमा जुट्दै थिए । तर, अरुका लागि रोपाईंको वरदान बनेको मुसलधारे पानीको वर्षा बुङताङ–४ डोडोटोलका मेघबहादुर तामाङका लागि भने यो क्षण बाँचुन्जेलको लागि अभिषाप बनेर गयो । बुधवार रातीको भिषण वर्षासँगै गएको पहिरोले उनका दुई छोराहरुको ज्यान लियो ।

बुधबार बिहान ८ बजेको समयमा भूकम्पले घर भत्किएर बनेको टहरामाथी खसेको पहिरोले पुरिएर छोरा १२ वर्षीय छोरा आइतराम र ६ वर्षीय आशिषको घटनास्थलमै मृत्यु भयो । ‘भएका दुई छोरा पनि पहिरोले लगेपछि यो संसार नै हराएजस्तो लाग्छ, छोराहरुको मृत्युको शोकमा डुबेका मेघबहादुर भक्कानिँदै भन्छन्, यस्तो विपत्ती त शत्रुलाई पनि नपरोस् ।’ उनका छोरा आइतराम अहिले कक्षा ८ र कान्छो रोरा आषिश १ मा पढ्दै थिए । बिहानको खाजा खाइरहेका बेला अकस्मात खसेको पहिरोले पुरेको मेघबहादुर बताउँछन् । तर, पहिरोमा परेकी ९ वर्षीया छोरी विमलालाई भने घाइते अवस्थामै मेघबहादुरले छिमेकीहरुसँग हारगुहार मागेपछि पहिरोभित्रबाट भिकेर बचाउन बचाउन सफल भए । ‘छोराहरुलाई बचाउन सकिन, विरक्तिदँै मेघबहादुर पीडा पोख्छन् ।

पहिरोले पुरिएर मेघबहादुरका एउटा भैँसी र पाँच बाख्रासमेत मरेका छन् । घाइते तथा मृतकको स्थानीयवासीले तत्काल उद्धार गरेका थिए । भूकम्पले भत्काएको घरको माथिल्लो तला फालेर तामाङ परिवार तल्लो तलामा बस्दै आएका थियो । भूकम्पले घर भत्किएपछि जस्ताको टहरो घरमा बस्दै आएका तामाङको टहरोमाथि रहेको ढिस्को अत्याधिक वर्षाका कारण खसेको जिल्ला प्रहरी कार्यालयका प्रहरी नायब उपरीक्षक ऋषिराम कँडेलले जानकारी दिए ।

यस्तै गएराति परेको बर्षापछि पहिरो जाँदा नुवाकोटको हल्देकलिका गाविसमा एक घर पुरिएको छ । वडा नं. ९ दार्मेमा सोमवरबहादुर तामाङको घर पहिरोले पुरेको हो । घरमा सुतिरहेका ६ जनलाई छिमेकीले उद्धार गरेका थिए ।

यसैबीच करेण्ट लागेर गम्भीर घाइते भई उपचारका लागि विदुर ल्याइएका सुर्यमति गाविस २ का २७ वर्षीय श्याम रिजालको बुधबार मृत्यु भएको छ ।

जिल्ला प्रहरी कार्यालय नुवाकोटका अनुसार खानीगाउँ गाविस ४ ढिकुरेमा रहेको मछिन्द्र थापाको सुर्यमती फर्निचर उद्योगको बिजुलीको पोल सार्ने क्रममा करेण्ट लागेको थियो । उनलाई उपचारका लागि विदुर ल्याइएको थियो । रिजाललाई सिटी अस्पताल विदुरमा उपचारका लागि राखिएको थियो । उनीसँगै घाइते भएका सुर्यमति गाविस २ कै केशव न्यौपानेको अवस्था गम्भीर छ ।

यो खबर पढेर तपाईलाई कस्तो महसुस भयो ?



Diyo Pathshala Montessori

प्रतिक्रिया




Top