२०७७, ४ आश्विन आईतवार

हावाहुरीले काफल उत्पादनमा गिरावट

डबली खबर     असार १६ २०७३ १७:०१



Myrica esculenta

बिदुर – यसपाली हावाहुरी र लामो समय परेको पानीको कारण नुवाकोटमा काफल उत्पादनमा गिरावट आएको छ ।

अघिल्ला बर्षहरुको तुलनामा यो पाली काफल उत्पादन घटेको नुवाकोट ककनी गाउँ विकास समिति वडा नं. ४ का जनक लामाले बताए । पाकेको काफल पनि टिप्प नपाएको बताउँदै अघिल्लो वर्षमा झण्डै तीन महिनासम्म फल टिपेकोमा अहलिे जेठ दोश्रो हप्ता नबित्दै काफल सकिएको उनले बताए ।

झण्डै तीन वर्षेदखि एउटै बोटको फल विक्रि गर्दै आउनुभएको जनक लामाका अनुसार काफल टिपेर विक्रि गर्ने पेशालाई उहाँको हजुरवाको पालादेखी सुरु भएको हो । लामाले एक पाथी काफलको तीन सय रुपैयाँमा विक्रि गर्दै आएका छन् ।

तीन सय रुपैयाँमा खदिर गरिएको काफल व्यापारीहरुले बजारमा ल्याउदा एक पाथीकै आठ सय रुपैयाँसम्ममा विक्री गर्ने गरिएको उनले बताए । तै पनि घर खर्चका लागि काफलले भरथेग गरेको उनी बताउँछन् । कतिपय गाउँका युवाहरुले जंगलमा फलेको काफल टिपेर ब्यापार गर्ने गरेको भएपनि आफ्नो बारीमै भएको काफल ब्यापार गर्न पाएको जनक लामाले बताए । बाजेले गरेको ब्यवसायलाई आफुले निरन्तरता दिएको उनी बताउँछन् । गाउँघरमा साइला नामले चिनिने जनक लामा यो समयमा काफल टिप्ने र विक्रि गर्नेमै बढी ब्यस्त रहन्छन् । उत्पादन छोटो समय भएकै कारण काफलको मुल्य बढ्नुका साथै बजारमा तथा बाटोघाटोमा काफल विक्रि गर्नेहरुको संख्यामा यसपालि कमी आएको हो ।

यो खबर पढेर तपाईलाई कस्तो महसुस भयो ?



प्रतिक्रिया




Top