२०७७, ४ आश्विन आईतवार

बुधवार साँझ साढे पाँच बजेदेखि नौं बजेसम्म खग्रास चन्द्रग्रहण हुने (भिडियो सहित)

डबली खबर     माघ १६ २०७४ १९:४०



काठमाडौं । भोलि साँझ साढे पाँच बजेदेखि राति नौ बजेसम्म खग्रास चन्द्रग्रहण हुँदै छ । चन्द्रग्रहणकै कारण ब्रतालुको श्री स्वस्थानी ब्रतकथाको साङ्घे पनि प्रभाबित हुने छ । नेपालबाट चन्द्रग्रहणको सुरुवात नदेखिएपनि अन्त्य भने हेर्न सकिने खगोलशास्त्रीले बताएका छन् ।

बुधवार झण्डै एकसय पचास बर्षपछि खग्रास चन्द्रग्रहण हुन लागेको हो । खग्रास ग्रहणमा चन्द्रमाको पूरै भाग छेकिन्छ । झण्डै तीन घण्टासम्म हुने चन्द्रग्रहण खगोलशास्त्रीका लागि अध्यनको स्तर मापन गर्ने अबसर हो । तर, ग्रहणलाई धार्मिक पक्षसँग जोडेर पनि चर्चा गरिन्छ ।

The different stages of the "super blue blood moon" on January 31 and "moonset" times for cities across the US.

राशीअनुसार ग्रहण हेर्न हुने/नहुने भन्ने मान्यता रहेपनि खगोलशास्त्री सबैले ग्रंहण अबलोकन गर्न सकिने बताउँछन् ।

चन्द्रग्रहण सुरु हुनुभन्दा झण्डै तीन प्रहर अगाडीदेखि ‘सुतक’ लाग्ने मान्यता छ । बुधवार पुस शुक्ल पूर्णिमादेखि माघ शुक्ल पूर्णिमासम्म जारी रहेको श्रीस्वस्थानी ब्रतकथाको अन्तिम दिन परेकाले ब्रतकथाको साङ्गेका लागि सुतक बाधक पर्ने छ । त्यसैले, श्रीस्वस्थानीको साङ्घे बिहान नौ बजे पहिले वा राती नौ बजे पछि गर्नु उपयुक्त हुने बताइएको छ ।

चन्द्रग्रहण नेपालसहित एसियाका केही मुलुक, अष्ट्रेलिया, अफ्रिकाका केही पूर्वी देश तथा युरोपबाट देख्न सकिन्छ । हिन्दू धार्मिक मान्यताअनुसार भने बुधबार हुने चन्द्रग्रहण वृष, कन्या, तुला र कुम्भ राशी भएका व्यक्तिका लागि फलदायी मानिएको छ ।

यो खबर पढेर तपाईलाई कस्तो महसुस भयो ?



प्रतिक्रिया




Top