२०७७, १५ आश्विन बिहीबार

प्रथम नुवाकोट अन्तर्राष्ट्रिय चित्रकला कार्यशाला हुँदै

डबली खबर     माघ १३ २०७४ २१:४०



First Nuwakot Intl Workshop 2074 TWS

विदुर। नुवाकोटमा बसिबियाँलो नुवाकोटको आयोजनामा प्रथम नुवाकोट अन्तर्राष्ट्रिय चित्रकला कार्यशाला हुने भएको छ ।

यहि फाल्गुण २१-२४ गते (फेब्रुअरी ४-७, २०१८) सम्म आयोजना हुन लागेको कार्यशालामा स्लोभेनियाका जोजिका जोर्को, काजा लुकाक, बोजका लुकाक, स्लोभेनिया बस्ने नेपाली वीरमान श्रेष्ठ र नेपालका चर्चित चित्रकारहरु एन बि गुरुङ, डि राम पाल्पाली, लालकाजी लामा, केशवराज खनाल, भीम श्रेष्ठ, जनकैलाश श्रेष्ठ र स्थानीय चित्रकारहरु शशि डंगोल, चीज कुमार केसी, शैलेश शाही, राजेश मानन्धर, धर्म तिमिल्सेना लगायतको सहभागिता रहने बसिबियाँलो अभियन्ता हरिकृष्ण श्रेष्ठले बताए ।

चित्रकारहरूलाई माघ २१ गते विदुरमा स्वागत गर्दै कार्यशाला माथि प्रकाश पारिनेछ भने सोही दिन नुवाकोटको पर्यटकीय सम्भावना बोकेका स्थलहरूको भ्रमण गराइनेछ । माघ २२ र २३ गते ‘अन द स्पोट‘ चित्र कोरिनेछ भने कार्यशालाको अन्तिम दिन माघ २४ गतेका दिन चित्रकारहरुले कोरेका सृजनाहरुको विदुरस्थित सुखद पाहुनाघरमा प्रदर्शनी गरिनुको साथै काठमाडौँ र स्लोभेनियामा पनि प्रदर्शनी गरिने अर्का अभियन्ता क्षितिज थापामगरले बताए ।

अन्तर्राष्ट्रिय चित्रकला कार्यशालाले नुवाकोटको पर्यटन क्षेत्रमा सकारात्मक प्रभाव पार्ने आयोजकको अपेक्षा रहेको छ । 

बसिबियाँलो नुवाकोटले खीर साहित्य, १०१ कविता वाचन र भजनबालन उत्सव आयोजना गरेर नुवाकोटको बौद्विक वृतको चर्चामा रहेको छ ।

यो खबर पढेर तपाईलाई कस्तो महसुस भयो ?



प्रतिक्रिया




Top