२०७७, ४ आश्विन आईतवार

इन्डो–नेपाल तेक्वान्दोमा नेपाललाई १९ स्वर्ण

डबली खबर     कार्तिक २४ २०७४ ११:३०



उत्कृष्ट प्रदर्शन गर्दै नेपाल टोली इन्डो–नेपाल तेक्वान्दो प्रतियोगितामा सोमबार च्याम्पियन बनेको छ ।

नेपालले सर्वाधिक १९ स्वर्ण जित्यो । स्वर्णका अलावा नेपालले १६ रजत र ४२ कांस्य पनि हात पार्न सफल भयो ।

राष्ट्रिय तेक्वान्दो संघ नेपालको सहयोगमा अन्तर्राष्ट्रिय र्मासल आर्ट एकेडेमीद्वारा आयोजित प्रतियोगितामा पाहुना टोली भारतले ३ स्वर्ण, ६ रजत र २ कांस्य प्राप्त गर्यो ।

सातदोबाटोस्थित अन्तर्राष्ट्रिय खेलकुद परिसरमा भएको प्रतियोगिताको पुरुषमा राज श्रेष्ठ र महिलामा निशा लामा उत्कृष्ट खेलाडी घोषित भए । दुवै नेपालका हुन् ।

विजेतालाई नेकपा माओवादी केन्द्रका पूर्व खेलकुद इन्चार्ज लीलाबहादुर थापा, राष्ट्रिय तेक्वान्दो संघका अध्यक्ष शिव कोइराला, महासचिव राजकुमार कार्कीलगायतले एक कार्यक्रमबीच पुरस्कार वितरण गरे । दुईदिने प्रतियोगितामा १ सय ५० खेलाडीले विभिन्न २२ स्पर्धामा प्रतिस्पर्धा गरेका थिए ।

यो खबर पढेर तपाईलाई कस्तो महसुस भयो ?



प्रतिक्रिया




Top