२०७७, ४ आश्विन आईतवार

“समर लभ” को ट्रेलर सार्वजनिक (ट्रेलरसहित)

डबली खबर     पुष २३ २०७५ २२:५०



summer love Nepali movie artists rewati chhetri

एफकेएम / युवा लेखक सुविन भट्टराईद्वारा लिखित चर्चित नोवेल ‘समर लभ’ मा आधारित फिल्म ‘समर लभ’ को अफिसियल ट्रेलर सार्वजनिक भएको छ ।

घोषणाको ३ वर्षपछि प्रदर्शनका लागि तयार भएको फिल्मको ट्रेलर सोमवार राजधानीमा एक कार्यक्रमका बीच पत्रकारलाई साक्षी राखेर निर्माण टिमले सार्वजनिक गर्‍यो ।

ट्रेलरमा पुस्तकका केही हृदयस्पर्शी र रमाइला संवादहरुलाई विशेष प्राथमिकता दिइएको छ । साया (रेवती क्षेत्री) र अतित (आशिष पिया) बीचको ‘लभ जर्नी’ मा ठोकिन पुग्ने सुस्मिता उर्फ नम्रता सापकोटाले पनि ट्रेलरमा पर्याप्य ‘स्क्रिन स्पेस’ पाएकी छन् । ट्रेलरमा साया र सुस्मितासँग अतितको लिपलक र बेडसिन हाबी छ ।

फिल्ममा लेखकको भूमिकामा सुरजसिंह ठकुरी छन् । ‘नाइँ नभन्नू ल ३’ फेम्ड निर्देशक मुस्कान ढकालले यो फिल्म निर्देशन गरेका हुन् । घोषणाकै बेलादेखि पात्र छनौटमा चुकेको आरोपबाट मुक्त हुन नसकेको यस फिल्मबाट रेवती र आशिषले डेब्यु गरेका हुन् । दुबै फिल्मलाई लिएर आशावादी देखिए ।

शिशिर भण्डारी, सरोज खनाल, ओम प्रतिक, मानसविक्रम थापालगायतका कलाकारहरुको अभिनय रहेको फिल्म उत्कृष्ट बनाउन कुनै कसर बाँकी नराखेको निर्देशक ढकाल बताउँछन् । उनी भन्छन्, ‘पुस्तक सर्वाधिक रुचाइएको कारण फिल्म राम्रो बनाउन हामीलाई ठूलो दबाव थियो । हामीले हाम्रो तर्फबाट गर्न सक्ने सबै प्रयास गरेका छौं ।’

नव-नायक आशिष चर्चित पुस्तकमाथि बनेको फिल्ममा काम गर्न पाउँदा आफूलाई भाग्यमानी ठानेको बताए । उनी भन्छन्, ‘पुस्तक पढ्दा जति आनन्द आउँछ फिल्मबाट पनि त्यो खुसी मिल्छ ।’ केही बलिउड फिल्म समेत गरिसकेकी रेवती पनि फिल्मलाई दर्शकले रुचाउनेमा आशावादी देखिइन् ।

माघ २५ बाट प्रदर्शनमा आउने फिल्ममा सुविनको कथालाई सामीप्यराज तिमल्सेनाले पटकथामा ढालेका हुन् । लेखक तिमल्सेनाले पुस्तक पढ्दा पाठकको मन छोएको महत्वपूर्ण पाटोलाई मात्र फिल्ममा उतारिएको बताए । उनले उक्त फिल्म सफल भए ‘साया’ पुस्तकमा पनि फिल्म बन्ने जानकारी दिए ।

फिल्मको संवाद सुविन र सामीप्य मिलेर लेखेका छन् । फिल्ममा खगेन्द्र श्रेष्ठ र इन्दु भण्डारी निर्माता रहेका छन् भने बिनोद अधिकारी कार्यकारी निर्माता रहेका छन् । फिल्मलाई सञ्जय लामाले छायांकन गरेका हुन् । फिल्मको सम्पादनको जिम्मेवारी अर्जुन जिसीको काँधमा छ ।

ट्रेलर हेर्नुहोस् :

यो खबर पढेर तपाईलाई कस्तो महसुस भयो ?



प्रतिक्रिया




Top