२०७७, ७ आश्विन बुधबार

अर्जुन कुमार फिल्म वितरणमा, स्टेसन फाइभ सम्भावित विगठन ?

डबली खबर     कार्तिक २४ २०७४ ११:०६



निर्माता अर्जुन कुमारले फिल्म वितरण कम्पनी लन्च गरेका छन् । विहिबार आयोजित प्रेसमिटमा फाटेको जुत्ता निर्माताले अर्जुन कुमार फिल्मसले वितरण र लगानी दुबै पक्षमा काम गर्ने घोषणा गरे ।

उनी केही महिनाअघि लन्च भएको स्टेसन फाइभ नामक वितरण कम्पनीसँग आबद्ध थिए । उनी निर्मित फाटेको जुत्तालाई सोही कम्पनीले वितरण पनि गरेको थियो । तर, नयाँ कम्पनी घोषणा गरे लगत्तै स्टेसन फाइभभित्र आएको सम्भावित विगठनको रुपमा हेरिएको छ ।

अर्जुनकुमारलाई माधव वाग्ले र विश्व गौचनजस्ता अग्रणी निर्माता र उपकरण व्यवसायीको समर्थन छ । चाँडै कार्यालय स्थापना गरेर सेवा थाल्ने कुमारले प्रेसमिटमा बताए ।

‘हामीले चाँडै फिल्म निर्माण, वितरण र लगानीको क्षेत्रमा काम थाल्दैछौं’ अर्जुनकुमारले मेरोसिनेमासँग भने, ‘नयाँ र कलात्मक फिल्मलाई महत्व दिनेछौं । उनले फेस्टिभल लक्षित फिल्म र नयाँ पुस्ताका प्रोजेक्टमा आफूहरुले लगानी गर्ने बताए ।

अर्जुन कुमार फिल्मसले चाँडै आफूले वितरण गर्ने सिनेमाको लाइनअप समेत सार्वजनिक गर्ने भएको छ । अर्कोतर्फ, पपकर्न वितरण कम्पनी अहिले करिब बन्दजस्तै छ । कार्यालयलाई वाग्लेले प्रिन्सेस मूभिजको अफिसको रुपमा रुपान्तरण गर्ने तयारी गरेका छन् । -मेरोसिनेमा

यो खबर पढेर तपाईलाई कस्तो महसुस भयो ?



प्रतिक्रिया




Top