२०७७, १५ आश्विन बिहीबार

विपिको ३४ औं स्मृति दिवस मनाइयो

डबली खबर     श्रावण ९ २०७३ ०९:०४



नेपालका प्रथम जननिर्वाचित प्रधानमन्त्री विश्वेश्वरप्रसाद कोइरालाको ३४ औं स्मृति दिवस बिहीबार नुवाकोटमा पनि विभिन्न कार्यक्रम गरी मनाइएको छ ।

१९७१ साल भदौ २४ गते जन्मिएका विपीको घाँटीको क्यान्सरका कारण २०३९ साल साउन ६ गते निधन भएको थियो । क्रान्तिदृष्टा, सिद्धान्तनिष्ठ र अटल राष्ट्रवादका धनी बीपी साहित्यमा अराजक र राजनीतिमा व्यवहारवादी नेताको रुपमा चिनिन्छन् ।

नेपाली कांग्रेस नुवाकोटले जिल्ला अस्पताल त्रिशूलीमा उपचार गराइरहेका रहेका बिरामीहरुलाई फलफुल बितरण गरेको छ । प्रजातान्त्रिक आन्दोलनका अग्रता बिपि कोईरालाको स्मिृति दिबसमा नेपाली काँग्रेस नुवाकोटले फलफुल बितरण गरेको नेपाली काँग्रेस नुवाकोटका सचिब सुरेन्द्रराज अधिकारीले बताए ।

उत्पीडन, कठोर यातना र अत्यन्त कठिन अवस्थामा पनि राष्ट्रियता र प्रजातन्त्रप्रतिको आधारभूत निष्ठालाई नत्याग्ने बीपीले जीवनभर देश र जनताकै लागि संघर्ष गरे गरेका थिए ।

आफ्नो आस्था, आदर्श, सिद्धान्तबाट कहिल्यै पछि नहट्ने एक महान् राष्ट्रवादी चिन्तक स्वर्गीय कोइराला नेपाली राजनीतिमा मात्र नभई साहित्यका फाँटमा पनि त्यतिकै चर्चित छन् ।

कोइरालाका आत्मकथा, जेल जीवन, दोषी चस्मा, यहुदी र हिटलर, सुम्निमा, मोदीआइन, स्वेत भैरवी, तीन घुम्ती, नरेन्द्र दाईलगायतका थुप्रै बहुचर्चित कृति प्रकाशित छन् ।

यो खबर पढेर तपाईलाई कस्तो महसुस भयो ?



प्रतिक्रिया




Top